د هغې په باره کښې خبر شو نو هغوئي هغې ته خط اوليکلو او د اسلام قبلولو دعوت ئې ورکړو، بيا حضرت ملکه بلقيس رَحْمَةُ اللهِ عَلَيْها د اسلام قبلولو په نِيَّت د حضرت سليمان عَلَیْهِ السَّلَام په لور روانه شوه، د ملکه بلقيس رَحْمَةُ اللهِ عَلَيْها يو تخت وو، هغې هغه په 7 محلونو کښې د ټولو آخري محل کښې کيښودو، په اووه واړو دروازو ئې تالې اولګولې. د ملکه بلقيس لښکر د حضرت سليمان عَلَیْهِ السَّلَام نه تقريبا 3 ميله لرې وو، هغه وخت حضرت سليمان عَلَیْهِ السَّلَام خپلو درباريانو ته اوفرمائيل: څوک به د ملکه بلقيس تخت دلته راوړي؟ يو پيري اووئيل: زه به ئې د دربار د وخت ختميدو نه مخکښې حاضر کړم. حضرت سليمان عَلَیْهِ السَّلَام اوفرمائيل: زه ئې د دې نه هم زر غواړم، بيا حضرت آصف برخيا رَحْمَةُ اللهِ عَلَيْه عرض اوکړو:

اَنَا اٰتِیۡکَ بِہٖ قَبۡلَ  اَنۡ یَّرۡتَدَّ اِلَیۡکَ طَرۡفُکَ ؕ    (پارہ:19، النمل:40)

مفهوم تَرجَمه کَنْزُ الْعِرْفان: چې زه به هغه ستاسو په بارګاه کښې ستاسو د سترګو رپولو نه مخکښې راوړم.

سُبْحٰنَ اللّٰہ! بيا چې حضرت سليمان عَلَیْهِ السَّلَام  سترګې اورپولې نو تخت راغلے وو.^[1]

اللہ!اللہ! دا دے د وَلِـىُّ الله کرامت...!! په ميلونو لرې فاصله... څو کلو وزن داره تخت... حضرت آصف برخيا رَحْمَةُ اللهِ عَلَيْه په شاهي دربار کښې دے، هغوئي د سترګو رپولو په وخت کښې تخت حاضر کړو، د دې نه معلومه شوه چې د اوليائے کرامو د پاره زمکه راغونډولے شي، د هغوئي د پاره فاصله فاصله نه پاتې کيږي، دوئي د سوونه کلوميټره مزل په لږ وخت کښې کوي، دا هم کرامت دے او دا کرامت په کوم ځائے کښې ذکر