سلسلۂ نقشبندیہ ،  سلسلۂ سُہروَرْدِیہ ،  سلسلۂ چشتیہ ان سب میں بھی غوث پاک  رحمۃُ اللہِ عَلَیْہ   کا ہی فیضان پہنچتا ہے ۔ سلسلہ عالیہ قادریہ کے پیشوا ،  شہنشاہ سیدی غوث پاک شیخ عَبْدُالقادِر جِیلانی   رحمۃُ اللہِ عَلَیْہ   ہیں اور یہ سلسلہ الحمد للہ !  مسلمانوں کے چوتھے خلیفہ ، شہنشاہِ ولایت حضرت مولا علی شیر خدا  رَضِیَ اللہُ عنہ  تک متّصل اور ان سے آگے پیارے آقا مکی مدنی مصطفےٰ   صَلَّی اللہُ عَلَیْہِ وَ آلِہٖ وَسَلَّم  تک پہنچتا ہے ، اگر آپ ابھی تک کسی بھی پیر کامل کے ہاتھ پر بیعت نہیں ہیں تو مشورہ ہے کہ سلسلہ عالیہ قادریہ میں کسی جامع شرائط پیر  کے ہاتھ پر بیعت فرما  لیجئے ۔  یادرہے ! کسی پیرِ کامل سےمُرید ہونے کی بہت  برکتیں اور فائدے ہیں ، مثلاً اس کی برکت سے ایمان کی حفاظت نصیب ہوتی ہے  * نماز روزے کی پابندی نصیب ہوتی ہے  * حلال ، حرام کی پہچان نصیب ہوتی ہے  * اِحترامِ مسلم و جذبۂ ایمانی نصیب ہوتاہے  * شیطان سے حفاظت ہوتی ہے  * دل میں عبادت کا شوق اورتِلاوتِ قرآن کا ذوق ملتاہے   * بُری صحبت سے بچنے کا ذہن بنتاہے  * گناہوں سے توبہ نصیب ہوتی ہے  * دِینی و دنیاوی پریشانیاں دُور ہوتی ہیں  * انسان کا کردار اچھا ہوجاتاہے *امیرِ اہلسنّت ، بانیِ دعوتِ اسلامی حضرت علامہ مولانا محمد الیاس عطارقادِری  دَامَتْ بَرَکاتہمُ الْعَالِیَہ  سے بیعت ہو کر لوگوں کو کیا کیا فوائد حاصل ہوئے ،  کیا کیا برکتیں نصیب ہوئیں  * امیرِ اہلسنّت سے مُریدہوکر لاکھوں بے نمازی ، نمازی بن گئے بلکہ نمازیں پڑھانے والے یعنی اِمام بن گئے  * ہزاروں عالِم بن گئے  * مُفتی بن گئے  * حافظ بن گئے  * گھر میں دینی ماحول بن گیا  * داڑھیاں آگئیں  * عمامے سج گئے  * مدینے کی محبت نصیب ہو گئی  * حج کی رَغبت ہوئی  * کئی حاجی بن گئے  * نعتیں پڑھنے کا   * نعتیں سُننے کا ذوق و شوق نصیب ہوا  * عشقِ رسول مِلا  * اعلیٰ حضرت کا تعارف ہوا  * غوثِ پاک کاتعارف ہوا ۔ اِسی طرح اگرہم غورکرتے جائیں توایسی سینکڑوں مثالیں