Ghous e Pak aur Islah e Ummat

فَقِیْہُ الْعَصْر(یعنی اپنے دَور کے بہت بڑے عالِمِ دِین ) مفتی محمد امین صاحِب رحمۃُ اللہِ عَلَیْہ فرماتے ہیں:حَسْبُنَا اللہُ و َ نِعْمَ الْوَکِیْل کا وظیفہ کرنے سے تَوَکُّل پختہ ہوتا ہے اور جس کا تَوَکُّل پختہ ہو جائے ، اسے کسی چیز کی کمی نہیں رہتی ، کیونکہ اللہ پاک فرماتا ہے:^{(^[1] )}

وَ مَنْ یَّتَوَكَّلْ عَلَى اللّٰهِ فَهُوَ حَسْبُهٗؕ- (پارہ:28 ، الطلاق:3 )

ترجمہ کنزُ العِرْفان:اور جو اللہ پر بھروسہ کرے تو وہ اسے کافی ہے ۔

صَلُّوْا عَلَی الْحَبِیْبِ ! صَلَّی اللہُ عَلٰی مُحَمَّد

(3 ) :صِدْق یعنی سچائی

پیارے اسلامی بھائیو ! سلسلہ عالیہ قادریہ کا تیسرا اَہَم بنیادی اُصُول صِدْق یعنی سچّائی ہے ۔ ایک مرتبہ کسی نے حُضُورِ غوثِ پاک رحمۃُ اللہِ عَلَیْہ سے پوچھا: آپ کے طریقے کی بنیاد کس چیز پر ہے؟ فرمایا: عَلَی الصِّدْقِ یعنی میرے طریقے کی بنیاد سچّائی (Truthfulness ) پر ہے ۔ میں نے بچپن (Childhood ) سے اب تک کبھی بھی جھوٹ نہیں بولا ۔ ^{(^[2] )}

معاشرے کی اِصْلاح کے لئے یہ بھی بہت اَہَم بنیاد ہے ۔ اگر معاشرے میں جھوٹ پر بالکل پابندی لگا کر سچ کو رواج دے دیا جائے تو ہمارا معاشرہ بہت ساری برائیوں سے پاک ہو جائے گا ۔ بڑا مشہور (Famous ) واقعہ ہے: ایک مرتبہ کسی شخص نے بارگاہِ رسالت میں عرض کیا: یَارَسُوْلَ اللہِ صَلَّی اللہُ عَلَیْہِ وَاٰلِہٖ وَسَلَّم ! میں شراب بھی پیتا ہوں ، چوری بھی کرتا ہوں اور جھوٹ بھی بولتا ہوں ، ان تینوں میں سے صِرْف ایک بُرائی چھوڑ سکتا ہوں ،

[1]...دو خزانے،صفحہ:3خلاصۃً۔

[2]...بهجة ُ الاسرار،ذکر طریقہ رضی اللہ عنہ،صفحہ:167 خلاصۃً۔

Important

Mobile Apps

Contact Us