Ghous e Pak aur Islah e Ummat

پیارے اسلامی بھائیو ! اس حدیثِ پاک میں 6 اَعْمال کا ذِکْر ہوا(1 ) :سچ بولنا (2 ) :امانت ادا کرنا (3 ) :رات کو نماز پڑھنا(4 ) :گرمی میں روزے رکھنا (5 ) :کَثْرت سے اللہ پاک کا ذِکْر کرنا اور (6 ) :رسولِ ذیشان ، مکی مَدَنی سلطان صَلَّی اللہُ عَلَیْہِ وَاٰلِہٖ وَسَلَّم پر درودِ پاک پڑھنا ، یہ 6 اعمال اللہ پاک کا قُرْب دِلانے والے ہیں اور سُبْحٰنَ اللہ ! دُرُوْدِ پاک کی فضیلت کیا بیان ہوئی؟ یہ وہ پیارا پیارا عمل ہے کہ اللہ پاک کا قرب بھی دِلاتا ہے اور فقر و فاقہ ، غربت و تنگدستی (Poverty ) اور بےروزگاری سے نجات بھی دلاتا ہے ۔

آج کل مہنگائی (Inflation ) ویسے زوروں پر ہے ، غریب کیا ، اب تو امیر بھی پریشان ہیں ، کوئی بات نہیں ، مشکلات انسانوں پر ہی آیا کرتی ہیں ، پریشان ہونا چھوڑئیے ! گلیوں بازاروں میں ، دوست احباب (Friends ) کی بیٹھک میں مہنگائی کا دُکھ رونا چھوڑئیے ! دُرُودِ پاک پڑھا کیجئے ! اِنْ شَآءَ اللہُ الْکَرِیْم ! گُنَاہ بھی معاف ہوں گے ، دِل بھی پاک ہو گا ، اللہ پاک کا قرب بھی ملے گا ، آخرت بھی سنورے گی اور اِنْ شَآءَ اللہُ الْکَرِیْم ! غربت ، تنگدستی ، بےروزگاری سے بھی نجات نصیب ہو جائے گی ۔

اے دِینِ حق کے رَہبر تم پر سلام ہر دَم

میرے شفیعِ محشر تم پر سلام ہر دَم

دُنیا و آخرت میں جب میں رہوں سلامت

پیارے پڑھوں نہ کیونکر تم پر سلام ہر دَم^{(^[1]
)}

صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد

[1]...ذوقِ نعت،صفحہ:168ملتقطًا۔

Important

Mobile Apps

Contact Us