د اوليائے کرامو سره د محبت فضائل

پاتې شوه، هغوئي د ايمان په لحاظ سره هم کامِل شول، د عقيدې په لحاظ سره هم کامِل شول، بيا د دې سره سره هغوئي نيک اعمال هم ډير اوکړل، هغوئي خپل ټول ژوند د الله پاک په کامِله بندګئ کښې تير کړو، د دوئي دا شان دے چې الله پاک پخپله هم د دوئي سره محبت فرمائي او ورسره ورسره د خلقو په زړونو کښې هم د دوئي محبت کيښودے شي.

په زړونو کښې د اولياؤ محبت څنګه اچولے شي

د حديثِ پاک مشهور کتاب مسلم شريف کښې حديثِ پاک دے، زمونږه آقا و مولا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم اوفرمائيل: چې کله الله پاک د يو بنده سره محبت فرمائي نو حضرت جبريل عَلَیْهِ السَّلَام ته حکم کوي: اِنِّی اُحِبُّ فَلَاناً فَاَحِبْہُ يعنې (اے جبريله!) زه د فلانکي بنده سره محبت کووم، تۀ هم د هغه سره محبت کوه!

بس حضرت جبريل عَلَیْهِ السَّلَام د هغه بنده سره محبت شروع کړي، بيا د دې محبتونو سلسله په دې ځائے نه حصاريږي بلکه ثُمَّ یُنَادِی فِیْ السَّمَآء بيا په آسمانونو کښې اعلان کولے شي: اِنَّ اللہَ یُحِبُّ فُلَانًا فَاَحِبُّوْہُ يعنې اے آسمان والؤ! بے شکه الله پاک د فلانکي سره محبت فرمائي، تاسو هم د هغه سره محبت اوکړئ!

بس د آسمانونو فرښتې د هغه سره محبت شروع کړي. بيا لکه چې په ټولو آسمانونو کښې د ولِـىُّ الله محبت عام شي، بيا د دې نه پس څه کيږي؟ په حديثِ پاک کښې دي: ثُمَّ یُوْضَعُ الْقَبُوْل فِی الْاَرْضِ بيا په زمکه کښې د دې بنده مقبوليت کيښودے شي (يعنې د خلقو زړونه د هغه په لور مائله کړے شي).^{^[1]}

[1]... مسلم، کتاب البر و الصلۃ و الآداب، باب اذا احب اللہ عبدا ...الخ، صفحہ:1016، حدیث:2637.

Important

Mobile Apps

Contact Us