د اوليائے کرامو شانونه

اے عاشقانِ رَسُول! اوليائے کرام ډيرې د اوچتې مرتبے خلق وي، الله پاک دوئي ته ډير لوئے لوئے شانونه عطا کوي. په سيپاره 11، سورۀ يُونُس، آيت: 62 – 63 او 64 کښې الله پاک ارشاد فرمائي:

اَلَاۤ اِنَّ اَوۡلِیَآءَ اللّٰہِ لَا خَوۡفٌ عَلَیۡہِمۡ وَ لَا  ہُمۡ  یَحۡزَنُوۡنَ ( ۚۖ۶۲)   الَّذِیۡنَ  اٰمَنُوۡا  وَ کَانُوۡایَتَّقُوۡنَ ( ؕ۶۳)   لَہُمُ الۡبُشۡرٰی فِی الۡحَیٰوۃِ الدُّنۡیَا وَ فِی الۡاٰخِرَۃِ ؕ لَا  تَبۡدِیۡلَ  لِکَلِمٰتِ اللّٰہِ ؕ ذٰلِکَ  ہُوَ  الۡفَوۡزُ  الۡعَظِیۡمُ ( ؕ۶۴)  

(پاره: 11، يونس: 62-64)

مفهوم ترجَمۀ کنزُ العرفان: بے شکه د الله پاک په اولياؤ باندې به نه څه ويره وي او نه به دوئي غمژن وي. هغوئي ايمان راوړو او ويريدل. د هغوئي د پاره د دنيا په ژوند کښې او په آخرت کښې زيرے دے د الله پاک خبرې نه بدليږي هم دغه لويه کاميابي ده.

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې آيت په تفسير کښې فرمائي: اے خلقو! د زړه په غوږونو واورئ! خبر شئ! په دې کښې شک نشته چې د الله پاک د دوستانو، د هغه د قرب سعادت موندونکو شان دا دے چې * په دُنيا کښې په دوئي باندې د چا مخلوق ويره، رُعب او دبدبه نه پريوځي ځکه چې د دوئي زړونه د الله پاک د ويرې نه ډک وي * د دوئي سره به په دُنيا او آخرت کښې هيڅ غم هم نه وي، الله پاک دوئي د دې دواړو تکليفونو نه محفوظ ساتي * دا هغه خلق دي کوم چې رښتيني، پاخه مؤمِنان دي، دوئي هر وخت متقي او پرهيزګاره اوسي * نۀ څه فرض، واجب يا سُنَّت پريږدي، نۀ څه ناجائزه کار کوي