د اوليائے کرامو سره د محبت فضائل

خوږو او محترمو اسلامي وروڼو! د حضور غوثِ پاک رَحْمَةُ اللهِ عَلَيْه د خپل مُريد ژوندي کول او د توبے تلقين کول زمونږ د غوثِ پاک زبردست کرامت دے. بعضې خلق د اوليائے کرامو د داسې قِسمه کرامتونو اوريدو سره د مختلفو شيطاني وسوسو ښکار کيږي، مثلاً دا څنګه کيدے شي؟ ژوندي کول او مړه کول خو د الله پاک په اختيار کښې دي، يو انسان څنګه مړے ژوندے کولے شي؟ څوک چې يو ځل مړ شو، د هغه بيا بيرته دنيا ته راتلل، ژوندي کيدل بالکل ممکن نه دي؟ وغيره وغيره!

د دې وسوسو هم يو جواب دے، الله پاک فرمائي:

وَ مَا کَانَ عَطَـآءُ رَبِّکَ مَحۡظُوۡرًا ( ۲۰) (پارہ:15، بنی اسرائیل:20)

مفهوم ترجَمۀ کنزُ العرفان: او ستاسو د رَبّ په عطا باندې هيڅ منع نشته.

معلومه شوه چې د الله پاک په عطا کښې هيڅ منع نشته، الله پاک چې چا له څومره اوغواړي ورته عطا کړي، څه چې اوغواړي ورته عطا کړي. که الله پاک خپل يو بنده ته د مړي ژوندي کولو طاقت عطا کوي نو د چا څه مجال چې په الله پاک باندې اعتراض اوکړي. اَلْحَمْدُ لِلّٰہ! زمونږه هم دغه عقيده ده چې د الله پاک د عطا نه بغير، د خپل ذات په طاقت باندې مړے ژوندے کول خو غټه خبره ده، څوک يو خَسَڼے هم نشي خوزولے او که الله پاک طاقت ورکړي نو انسان مړي هم را ژوندي کولے شي. اَلْحَمْدُ لِلّٰہ! حُضُورِ غوثِ پاک رَحْمَةُ اللهِ عَلَيْه له الله پاک دا طاقت ورکړے وو چې هغوئي به مړي ژوندي کول. اوس څوک شته کوم چې د الله پاک په عطا باندې اعتراض اوکړي؟

Important

Mobile Apps

Contact Us