اے عاشقانِ رَسُول! هسې خو اَلْحَمْدُ لِلّٰہ! مونږه د اوليائے کرامو صدقه خورو خو لږ غور اوکړئ، په مونږه کښې څومره خلق دي چا له چې غوثِ پاک رَحْمَةُ اللهِ عَلَيْه 10، 20 مرلے پلاټ ورکړے وي؟ هغه څوک دے چا له چې اعلٰـی حضرت رَحْمَةُ اللهِ عَلَيْه په خوب کښې د تشريف راوړلو سره د 50 لاکهو روپو چيک ورکړے وي؟ کيدے شي چې څوک هم داسې ميلاؤ نه شي. بيا د دوئي سره محبت ولي کوي؟ ډيره ساده شان پوښتنه ده: د غوثِ پاک رَحْمَةُ اللهِ عَلَيْه په مبارک وخت کښې بادشاه څوک وو؟ په هغه وخت کښې وزير څوک وو؟ کيدے شي چې اکثريت د هغه خلقو وي، کوم چې د هغه دور د بادشاه يا وزير يا غټو غټو مالدارانو نومونه هم نه پيژني خو قربان شم! * د غوثِ پاک رَحْمَةُ اللهِ عَلَيْه نوم ورته هم معلوم دے * د هغوئي د سيرت واقعې ورته هم معلومې دي * د هغوئي کرامات ورته هم معلوم دي * د هغوئي په نوم باندې محفلونه هم جوړوي * د هغوئي په نوم باندې يولسم شريف هم کوي، آخر څه وجه ده؟ د خپل زړه نه د پوښتنې کولو سره اوګورئ! صرف يو جواب به ميلاويږي: * غوثِ پاک رَحْمَةُ اللهِ عَلَيْه د الله پاک نيک بنده وو * هغوئي رَحْمَةُ اللهِ عَلَيْه به د شپې عبادتونه کول * غوثِ پاک رَحْمَةُ اللهِ عَلَيْه روژې نيولو والا وو * غوثِ پاک رَحْمَةُ اللهِ عَلَيْه لمُونځونو کولو والا وو * چونکه هغوئي رَحْمَةُ اللهِ عَلَيْه د الله پاک محبوب بنده وو * ځکه مونږ د هغوئي رَحْمَةُ اللهِ عَلَيْه سره محبت کوو.

او څوک چې صرف او صرف د الله پاک د رضا په خاطر په خپل مينځ کښې محبت کوونكي دي، د هغوئي څومره ښه شان دے؟ خوږ آقا و مولا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم اوفرمائيل: د هغوئي مخونه به د نُور نه پړقيږي، په هغوئي باندې به نُور راخور وي او هغوئي به هغه وخت نه ويريږي، کله چې به خلق ويريږي او هغوئي به هغه وخت بے غمه وي، کله چې به خلق غمژن وي.^[1]