Book Name:Mohabbat e Auliya Ke Fazail
قيامت به کله راځي؟ نو) هغوئي صَلَّى اللهُ عَلَيْهِ وَاٰلِهٖ وَسَلَّم د دې د جواب ورکولو په ځائے اوفرمائيل: وَمَاذَا اَعْدَدْتَ لَہَا؟ تا د قيامت د پاره څه تياري کړې ده؟
(صحابۀ کرامو عَليهمُ الرّضوَان يقيناً چې لمُونځونه هم کول، تلاوت ئې هم کولو، روژې به ئې هم نيولې، ډيرې نيکئ به ئې هم کولې خو د صحابئ رسول مبارک انداز دے، هغوئي په څه نيکئ باندې باور اونکړو، بلکه د عاجزئ کولو سره ئې) عرض اوکړو: لَا شَیْءَ يعنې يَا رسولَ الله صَلَّى اللهُ عَلَيْهِ وَاٰلِهٖ وَسَلَّم ! ما هيڅ تياري اونکړے شوه (لمُونځونه خو شته، نيکئ خو شته خو په هغې باور نشته دے، که الله پاک اوغواړي نو قبولې به ئې کړي، که نه غواړي نو نه به ئې قبلوي) اِلّا اَنِّی اُحِبُّ اللہَ وَرَسُوْلَہٗ (البته زما سره يو دولت دے او د قيامت د پاره زما سره هم دغه يوه مرسته ده او هغه دا ده چې) زه د الله پاک او د هغه د خوږ محبوب صَلَّى اللهُ عَلَيْهِ وَاٰلِهٖ وَسَلَّم سره ډير محبت کووم.
رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم چې دا واوريدل نو اوئې فرمائيل: اَنْتَ مَعَ مَنْ اَحْبَبْتَ يعنې تۀ چې د چا سره محبت کوې، د قيامت په ورځ به د هغه سره ئې.[1]
پوچھے گا مولیٰ لایا ہے کیا کیا؟ میں یہ کہوں گا، نامِ مُحَمَّدِ (صَلَّى الـلّٰـهُ عَلَيْهِ وَاٰلِهٖ وَسَلَّم)[2]
سُبْحٰنَ اللّٰہ! د دې حديثِ پاک نه معلومه شوه چې په دُنيا کښې انسان د چا سره محبت کوي، د قيامت په ورځ به د هغه سره وي. اوس غور اوکړئ! څومره خوش قسمته دي هغه خلق * کوم چې د غوثِ پاک رَحْمَةُ اللهِ عَلَيْه سره محبت کوي * د خواجه او رضا رَحْمَةُ اللهِ عَلَيْهِما سره محبت کوي * د اوليائے کرامو په نومونو باندې محفلونه راجوړوي