سُبْحٰنَ اللّٰہ! خوږو او محترمو اسلامي وروڼو! څومره ښکلے شان دے د دُرودِ پاک...!! اندازه اولګوئ! بنده ګنهګار دے، هغه 200 کاله په ګناهونو کښې تير کړي دي خو هغه د محبوبِ خُدا، مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم سره محبت کولو، په دې محبت کښې به ئې درودِ پاک لوستلو او درودِ پاک به ئې هم څومره لوستلو...؟ په روايتونو کښې نه دي بيان شوي چې دې بنده به هره ورځ زر [1000] ځله درود لوستلو، که هره ورځ به ئې 500 ځله درود لوستلو، يا به ئې 200، 300، 400 ځله درود لوستلو، نۀ...! نۀ، هره ورځ د درودِ پاک لوستلو ذِکر نه دے بلکه چې کله به ئې تورات شريف برسيره کولو، هغه وخت به ئې درود شريف لوستلو، د الله پاک د هغه هم دا ادا خوښه شوه او رَبِّ کائنات د هغه د 200 کالو ګناهونه هم معاف کړل، هغه ته ئې جنت هم عطا کړو او نور کرم ئې پرې دا اوکړو چې د 70 جنتي حورو سره ئې د هغه نِکاح اوکړله.

اوس لږ غور اوکړئ! دا خو د بنـي اسرائيلو يو کَس وو، په هغه باندې دومره کرم اوشو نو که مونږه غلامانِ مصطفٰے، مونږ د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم اُمَّتيان که درود شريف لولو او کله نا کله نۀ بلکه هره ورځ ئې لولو، يو نيم ځل نۀ بلکه ډير زيات ئې لولو نو په مونږ به د الله پاک څنګه څنګه رحمتونه راوريږي...؟ ځکه مونږ له پکار دي چې هره ورځ په پابندئ سره د ډير زيات درود شريف لوستلو عادت جوړ کړو.