Book Name:Naam e Muhammad Ki Barkaat
کور کښې خير او برکت وي او د هغوئي په رزق کښې هم برکت وي.[1]
اِنْ شَآءَ اللّٰہُ الْکَرِیم! ځوئ به پيدا کيږي
امام عطاء رَحْمَةُ اللهِ عَلَيْه فرمائي: چې څوک دا غواړي چې د هغه د زنانه په حمل کښي [موجود ماشوم] هلک [پيدا] شي نو هغه له پکار دي چې خپل لاس د زنانه په خىټه باندې کيږدي او اووائي اِنْ کَانَ ذَکَرًا فَقَدْ سَمَّیْتُہٗ مُحَمَّدًا يعنې که دا هلک وي نو ما د ده نوم مُحَمَّد کيښودو. اِنْ شَآءَ اللّٰہُ الْکَرِیم! هلک به کيږي.[2]
صدر الشريعه بدر الطريقه مفتي محمد امجد علي اعظمي رَحْمَةُ اللهِ عَلَيْه ليکي: مُحَمَّد ډير خوږ نوم دے، د دې نوم ډير تعريف په حديثونو کښې راغلے دے. که د تَصغِير (يعنې نوم ورانيدو) انديښنه نه وي نو دا نوم دې کيښودلے شي او يو صورت دا دے چې د عقيقے [په ورځ] دې دا نوم کيښودے شي او د رابللو د پاره دې ورسره بَل يو نوم تجويز کړے شي [مثلًا نوم: محمد او د رابللو دپاره اِلياس] او [نو دغسې] د تَصغِير نه به هم بچ شي.[3]