علمائے کرام فرمائي: الله پاک زيات و کم يو لاکھ 24 زره انبيائے کرام علَيهِمُ السَّلام راليږلي دي، په دوئي کښې چې کوم رسولان دي، د هغوئي تعداد 313 دے او د مُحَمَّد لفظ د عِلمِ بَسط په لحاظ سره اعداد هم 313 دي، په دې کښې اشاره ده چې مُحَمَّد صَلَّى اللهُ عَلَيْهِ وَاٰلِهٖ وَسَلَّم د هٰغه 313 رسولانو د صفتونو، د هغوئي د کمالونو، د اوچتو مقامونو او خوبيانو جامِع دے.

د ټولو نبيانو د صفتونو جامِع

خوږو او محترمو اسلامي وروڼو! دا خو يوه اشاره وه، ګنې رښتيا خبره خو دا ده چې مخکښې څومره انبيا او رسولان تير شوي دي، هغه ټولو ته چې څومره خوبيانې، څومره کمالونه عطا کړے شوي وو، زمونږه آقا و مولا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم ته هغه ټول صفتونه او کمالونه عطا کړے شوي دي بلکه حق خو دا دے چې هغوئي ته هم څه ميلاو شوي وو د محبوبِ رحمان، د نبيانو د سلطان صَلَّى اللهُ عَلَيْهِ وَاٰلِهٖ وَسَلَّم په برکت ميلاو شوي وو. الله پاک په قرآنِ کريم کښې د ډيرو زياتو نبيانو ذِکر کولو نه پس افرمائيلي دي:

اُولٰٓئِکَ الَّذِیۡنَ ہَدَی اللہُ  فَبِہُدٰىہُمُ اقۡتَدِہۡ ؕ     

(پارہ:7، الانعام:90)

مفهوم ترجَمۀ کنزُ العِرفان: هُم دا هٰغه (مُقَدَّسې) هستئ دي کومو ته چې الله هدايت اوکړو نو تاسو د هغوئي د هدايت تابعداري اوکړئ.