Book Name:Naam e Muhammad Ki Barkaat
هغوئي پاک نوم مُحَمَّد کيښودو او په دې باره کښې ډير روايتونه هم دي چې هغوئي يو خوب اوليدلو، د کوم په تعبير کښې چې اووئيلے شو چې د هغوئي په اولاد کښې به يو کَس وي، چې مشرق او مغرب والا ټول خلق به د هغوئي اِطاعت کوي او په زمکه او آسمان کښې به د هغوئي تعريف کيږي، دغه شان د خوږ آقا صَلَّى اللهُ عَلَيْهِ وَاٰلِهٖ وَسَلَّم خوږې مور جانې سيده آمنه رَضِىَ اللهُ عَـنْها هم يو خوب اوليدلو: چا ويوونکي وئيل: اے آمنه! ستاسو کره د دې اُمَّت سردار راتلونکے دے، کله چې هغه تشريف راوړي نو د هغوئي نوم مُحَمَّد کيږدئ!. کله چې هغوئي صَلَّى اللهُ عَلَيْهِ وَاٰلِهٖ وَسَلَّم دنيا ته تشريف راوړلو نو د هغوئي نوم مُحَمَّد کيښودے شو.[1]
دا ټولې خبرې د دې ظاهري دنيا په لحاظ سره دي، ګنې د هغوئي صَلَّى اللهُ عَلَيْهِ وَاٰلِهٖ وَسَلَّم پاک نوم مُحَمَّد کله کيښودے شوے وو، علّامه اِبنِ جوزي رَحْمَةُ اللهِ عَلَيْه ليکي: کله چې الله پاک د خپل نُور نه د مصطفٰے صَلَّى اللهُ عَلَيْهِ وَاٰلِهٖ وَسَلَّم نُور پيدا کړو نو هغه پاک نُور د رَبِّ کريم په بارګاه کښې سجده اوکړه، بيا ئې چې کله د سجدے نه سر را اوچت کړو نو اوئې وئيل: اَلْحَمْدُ لِلّٰہِ (ټول تعريفونه د الله پاک د پاره دي). هغه وخت رَبِّ کائنات اوفرمائيل: لِذٰلِکَ خَلَقْتُکَ وَ سَمَّیْتُکَ مُحَمَّدًا يعنې اے خوږه محبوبه! ما تاسو د هُم دې د پاره پيدا کړئ او ستاسو