Naam e Muhammad Ki Barkaat

علّامہ یوسُف بن اسماعیل نبہانی رحمۃُ اللہ عَلَیْہ لکھتے ہیں : ایک بزرگ رحمۃُ اللہ عَلَیْہ فرماتے ہیں : میں ایک مرتبہ ہند گیا ، وہاں ایک شہر ( City ) میں پہنچا ، میں نے وہاں ایک درخت ( Tree ) دیکھا جس کے پھل بادام ( Almond ) جیسے تھے ، اس کے 2چھلکے تھے ، جب ان کو کھولا جاتا تو اندر سے ایک سبز رنگ کا پتہ نکلتا ، جس پر قدرتی طَور پر لَا اِلٰہَ اِلَّا للہُ مُحَمَّد رَّسُوْلُ اللہ لکھا ہوتا تھا ، اس شہر کے لوگ اس درخت سے برکت حاصِل کرتے ، قحط ( Famine ) کے دِنوں میں اس کے وسیلے سے دُعا مانگتے تو بارش ہو جایا کرتی تھی۔ ^{( ^[1]
)}

اسی طرح کی ایک روایت سِیْرَت حَلْبِیَّہ میں بھی ہے ، اس میں لکھا ہے : ہند کے علاقے میں ایک درخت تھا ، جس کے پتے ہلکے سبز رنگ کے تھے ، اس کے ہر پتّے پر گہرے رنگ سے لَا اِلٰہَ اِلَّا للہُ مُحَمَّد رَّسُوْلُ اللہ لکھا ہوتا تھا۔ اس شہر کے رہنے والے چونکہ غیر مسلم تھے ، لہٰذا وہ اس درخت کو کاٹ دیتے مگر اللہ پاک کی قدرت کہ یہ درخت پِھر ہرا بھرا ( Lush Green ) ہو جاتا ، ایک مرتبہ انہوں نے درخت کو کاٹ کر ، اس کی جڑوں ( Roots ) میں سیسہ ( Lead ) بھر دیا مگر رَبِّ رحمٰن کی عظیمُ الشان قدرت کے قربان جائیے ! کچھ ہی دِن کے بعد اس سیسے کے اندر سے دوبارہ اس درخت کی 4 شاخیں نکل آئیں اور ہر شاخ پر کلمہ طیبہ لکھا ہوا تھا۔ ( یہ حیرت ناک منظر دیکھ کر وہ سب مسلمان ہو گئے ، ) اس کے بعد سے وہ لوگ اس درخت سے برکت لیتے ، بیماری میں اس کی شاخیں استعمال کرتے تو انہیں شفا مل جاتی تھی۔^{( ^[2]
)}

مُحَمَّد ہی مُحَمَّد ہیں جہاں میں مُحَمَّد کے ہیں جلوے ہر زماں میں

[1]...حجۃ اللہ علی العالمین ، الباب الثامن فی بعض ما وجد مکتوبًا…الخ ، صفحہ : 158۔

[2]...السیرۃ الحلبیہ ، باب ما جاء من امر رسول اللہ …الخ ، جلد : 1 ، صفحہ : 318۔

Important

Mobile Apps

Contact Us