اس نے اپنی 200 سالہ زِندگی گُنَاہوں میں گزار دی۔ )  یہ سُن کر حضرت موسیٰ عَلَیْہِ السَّلام کو حیرانی ہوئی ، اللہ پاک کی بارگاہ میں عرض کیا :  اے رَبِّ کریم !  بنی اسرائیل تو گواہی دے رہے ہیں کہ یہ بڑا گنہگار بندہ ہے ، اس نے 200 سالہ زِندگی گناہوں میں گزار دی ہے ؟  اللہ پاک نے فرمایا :  اے موسیٰ  عَلَیْہِ السَّلام ! بنی اسرائیل سچ کہتے ہیں ، واقعی یہ بندہ بڑا گنہگار تھا مگر اَنَّہٗ کَانَ کُلَّمَا نَشَرَ التَّوْرَاۃَ جب بندہ یہ تَورات شریف کھولتا تھا وَ نَظَرَ اِلیٰ اِسْمِ مُحَمَّدٍ صَلَّی اللہ عَلَیْہِ وَ آلِہٖ وَ سَلَّم اور ہمارےمحبوب نبی حضرت مُحَمَّدِ مصطفےٰ صَلَّی اللہ عَلَیْہِ وَ آلِہٖ وَ سَلَّم کے نامِ پاک کو دیکھتا تو قَبَّلَہٗ وَ وَضَعَہٗ عَلٰی عَیْنَیْہِ وَ صَلّٰی عَلَیْہِ ہمارے محبوب صَلَّی اللہ عَلَیْہِ وَ آلِہٖ وَ سَلَّم کے نامِ پاک کو اَدَب سے چومتا ، اسے آنکھوں پر لگاتا اور درودِ پاک کے نذرانے بھیجا کرتا تھا۔

اے موسیٰ !  اس کی یہ ادا ہمیں بہت پسند آئی ، بس اس کے اسی نیک عَمَل کی برکت سے میں نے اس کے سارے گُنَاہ بخش دئیے اور وَ زَوَّجْتُہٗ سَبْعِیْنَ حُوْرَاءَ میں نے اس کا نِکاح 70 حُوروں کے ساتھ کر دیا۔   ^{( [1] )}  

اَعمال نہ دیکھے یہ دیکھا                             محبوب کے کُوچے کا ہے گدا

مولا نے مجھے یوں بخش دیا                                                                                                        سُبْحٰنَ اللہ !  سُبْحٰنَ اللہ !

سُبْحٰنَ اللہ !  پیارے اسلامی بھائیو !  کیا شان ہے دَرُودِ پاک کی... ! ! اندازہ کیجئے !  بندہ گنہگار ہے ، اس نے 200 سال گُنَاہوں میں گزارے ہیں لیکن وہ محبوبِ خُدا ، مُحَمَّدِ مصطفےٰ صَلَّی اللہ عَلَیْہِ وَ آلِہٖ وَ سَلَّم سے محبّت کرتا تھا ، اسی محبّت میں سرشار ہو کر درودِ پاک پڑھا کرتا تھا اور درود شریف بھی کتنا پڑھتا تھا... ؟ ؟ روایات میں یہ نہیں بیان ہوا کہ یہ بندہ روزانہ ہزار بار درود پڑھتا تھا ، روزانہ 500 بار درود پڑھتا تھا ، 200 ، 300 ، 400 بار درودپڑھتا تھا ،