ہوئے ، بدن کا حصہ رہنے والے موئے مبارک کیونکر باعِثِ شِفَا نہیں ہوں گے... ؟

امام احمد بن حنبل کا عشقِ موئے مبارک

عظیم عاشقِ رسول حضرت امام احمد بن حنبل رحمۃُ اللہ علیہ کے پاس مکی مدنی تاجدار ہم بے کسوں کے مددگار صلی اللہ عَلَیْہِ وَ آلِہٖ وَسَلَّم  کا ایک مُوئے مبارک تھا۔ آپ مُوئے مبارک کو کبھی اپنے ہونٹوں پر رکھ کر چومتے ، کبھی آنکھوں پر رکھتے اور بیماری کی حالت میں موئے مبارک کو  پانی میں ڈال کراس کا دھوون پیتے اورشِفا حاصل کرتے تھے۔ ^{( [1] )}  

تم ہمیشہ کامیاب رہو گے

پیارے اسلامی بھائیو ! پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم کے پیارے پیارے مُوئے مبارک صِرْف باعِثِ شِفَا ہی نہیں ، دافِعِ بَلا  ( یعنی مصیبت ٹالنے والے )  بھی ہیں۔ عظیم صحابئ رسول حضرت خالد بن ولید  رَضِیَ اللہ عنہ فرماتے ہیں : حَجَّۃُ الْوَدَاع کے موقع پر حضور نبی کریم ، رَ ء ُوفٌ رَّحیم صلی اللہ عَلَیْہِ وَ آلِہٖ وَسَلَّم  نے حلق کروایا تو مَیں نے آپ صلی اللہ عَلَیْہِ وَ آلِہٖ وَسَلَّم  کے مبارک بالوں میں سے چند بال اپنے پاس رکھ لئے۔ سرکارِ عالی وقار ، مکی مدنی تاجدار صلی اللہ عَلَیْہِ وَ آلِہٖ وَسَلَّم نے مجھ سے فرمایا : مَا تَصْنَعُ بِہٰوُ  لَا ءِ  یَا خَالِدُ اےخالد ! تم ان بالوں کا کیا کرو گے ؟ میں نے عرض کی : اَتَبَرَّکُ بِہَا یَا رَسُوْلَ اللہ  وَاسْتَعِیْنُ بِہَا عَلَی الْقِتَالِ قِتَالَ اَعْدَائِیْ ، یارسولَ اللہ صلی اللہ عَلَیْہِ وَ آلِہٖ وَسَلَّم  ! مَیں ان مُوئے مبارک کو بطور تبرک اپنے پاس رکھوں گا  اور  جنگ میں ان سے مدد حاصِل کروں گا۔ یہ سُن کر رسولِ اکرم ، نورِ مُجَسَّم  صلی اللہ عَلَیْہِ وَ آلِہٖ وَسَلَّم نے حضرت خالِد بن ولید  رَضِیَ اللہ عنہ کے مبارک عقیدہ پر نبوی مہر لگاتے ہوئے فرمایا : لَا تَزَالُ مَنْصُوْراً مَا دَامَتْ