پاک کرنے کو وُضُو تھے                                                                                                       تم نمازِ جانفزا ہو

سب بشارت کی اذاں تھے                                                                                تم اذاں کا مُدَّعا ہو

قُربِ حق کی منزلیں تھے                                                                                             تم سفر کا منتہیٰ ہو

سب تمہارے دَر کے رستے                                                                       ایک تم راہِ خُدا ہو

سب کی ہے تم تک رسائی                                                                                  بارگہ تک تم رسا ہو ^{( [1] )}

یعنی * یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! سب سے پہلے نبی بھی آپ ہیں کہ ابھی آدم عَلَیْہِ السّلام کی تخلیق بھی نہ ہوئی تھی آپ کو نبوت عطا فرما دی گئی تھی ، آخری نبی بھی آپ ہیں ، نبوت و رسالت کی ابتداء بھی آپ سے ہے ، انتہا بھی آپ سے ہے * سب نبی وسیلے تھے ، ہدایت کا اَصْل مقصود آپ صَلَّی اللہ عَلَیْہِ وَ آلِہٖ وَ سَلَّم ہیں * جیسے نماز پڑھنی ہو تو پہلے وُضُو کیاکرتے ہیں ، ایسے ہی پہلے جتنے نبی تشریف لائے ، سب گویا کہ وُضُو تھے جو مخلوق کو پاک کرتے آ رہے تھے ، آپ صَلَّی اللہ عَلَیْہِ وَ آلِہٖ وَ سَلَّم گویا وہ نماز ہیں جس کے لئے اب تک زمانے کو وُضُو کروایا جا  رہا تھا * سارے نبی خوشخبریاں ہی سُناتے آ رہے تھے ، سب نبی اپنی اُمتوں کو یہ بتاتے آ رہے تھے کہ لوگو ! عنقریب ایک نبی تشریف لانے والے ہیں ، یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! سب نبی جن کے آنے کا اِعْلان کر رہے تھے ، آپ اُس اِعْلان کا مدّعا ہیں * جیسے کہیں دُور سفر پر جانا ہو تو راستے میں کئی جگہوں سے گزرنا ہوتا ہے ، کئی جگہوں پر رکنا ہوتا ہے ، ایسے ہی یارسول اللہ صَلَّی اللہ عَلَیْہِ وَ آلِہٖ وَ سَلَّم ! اللہ پاک کے قرب کے سفر میں سب انبیائے کرام علیہمُ السّلام گویا کہ راستے کی منزلیں تھے ، آپ  صَلَّی اللہ عَلَیْہِ وَ آلِہٖ وَ سَلَّم اس سفر کی