Pyaray Aaqa Ka Pyara Naam

میم سے ہیں محبوب وہ رَبّ کے حا سے حاکم عرب و عجم کے

دوسری میم سے مالِک سب کے دال سے داتا دونوں جہاں کے

جود ہے ان کا عام ، شہد سے میٹھا مُحَمَّد نام

صَلُّوْا عَلَی الْحَبِیْب ! صَلَّی اللہ عَلٰی مُحَمَّد

پیارے اسلامی بھائیو ! میرے اور آپ کے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا ایک پیارا نام اَلرَّسُوْل بھی ہے۔ اِصْطِلاح میں رَسُوْل اُس نبی کو کہتے ہیں جونئی شریعت لائے۔ جیسے حضرت موسیٰ عَلَیْہِ السّلام نبی بھی ہیں ، رسول بھی ہیں کہ آپ عَلَیْہِ السّلام پر تورات شریف نازِل ہوئی اور آپ پر نئی شریعت اُتاری گئی ، ایسے ہی حضرت عیسیٰ عَلَیْہِ السّلام نبی بھی ہیں ، رسول بھی ہیں ، آپ پر بھی نئی شریعت اُتاری گئی ، اسی طرح ہمارے آقا و مولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نبی بھی ہیں ، رسول بھی ہیں کہ آپ صَلَّی اللہ عَلَیْہِ وَ آلِہٖ وَ سَلَّم کے آنے سے پچھلی ساری شریعتیں منسوخ ہو گئیں ، آپ صَلَّی اللہ عَلَیْہِ وَ آلِہٖ وَ سَلَّم کو نئی شریعت عطا فرمائی گئی۔

پیارے آقا کی شانِ رسالت

پیارے اسلامی بھائیو ! دُنیا میں نبی اور رسول کتنے تشریف لائے ، ہم ان کی تعداد مقرر نہیں کر سکتے ، البتہ ! عُلَمائے کرام یوں کہتے ہیں کہ کم و بیش1 لاکھ 24 ہزار انبیا تشریف لائے ، ان میں 313 رسول ہیں۔ اب ذِہن میں سُوال یہ پیدا ہوتا ہے کہ رسول کل 313 ہیں تو پِھر پیارے آقا صَلَّی اللہ عَلَیْہِ وَ آلِہٖ وَ سَلَّم کا نامِ پاک اَلرَّسُوْل کیسے ہو سکتا ہے ؟ رسول تو 313 ہیں ، ان سب کا نام اَلرَّسُوْل ہو سکتا ہے ؟ لیکن آپ قرآنِ کریم پڑھیئے !

Important

Mobile Apps

Contact Us