بَلْ نُطْفَةٌ تَرْكَبُ السَّفِينَ وَقَدْ                                                                                                                               أَلْجَمَ نَسْرًا وَأَهْلَهُ الْغَرَقُ

 اوهان نوح جي پٺيء ۾ ٻيڙي تي سوار ٿيا، جڏهن طوفان ڪافرن جي ڪوڙي خدا ۽ انهن جي پڄارين کي ٻوڙي ڇڏيو.

تُنْقَلُ مِنْ صَالبٍ إِلَى رَحِمٍ                                                                                                                                        إِذَا مَضَى عَالَمٌ بَدَا طَبَقُ

اوهان پاڪ پٺين مان رحۡمَن جي طرف منتقل ٿيندا رهيا، هڪ طبقي کان بعد ٻيو طبقو ظاهر ٿيو

وَأَنْتَ لَمَّا وُلِدْتَ أَشْرَقَتِ                                                                                                                                             الْأَرْضُ وَضَاءَتْ بِنُورِكَ الْأُفُقُ

اوهان  جي ولادت جي وقت زمين روشن ٿي، آسمان اوهان جي نور سان چمڪي پيو.

فَنَحْنُ فِي ذَلِكَ الضِّيَاءِ وَفِي                                                                                                                  النُّورِ وَسُبِلِ الرَّشَادِ نَخْتَرِقُ^([1])

اسان انهيءَ نور جي روشني سان هدايت جي راهن تي هلي رهيا آهيون.

 پيارا اسلامي ڀائرو! غور ڪيو! پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّم به تشريف فرما آهن، صحابه ڪرام رَضِیَ اللهُ عَنْهُم به موجود آهن، ان نوراني محفل ۾ حضرت عباس رَضِیَ اللهُ عَنْهُ نور واري آقا، محمد مصطفيٰ صَلَّى اللّٰهُ عَلَيۡهِ واٰلِهٖ وَسَلَّم جو ميلاد پڙهيو. انهي کي ته محفل ميلاد چوندا آهن. خبر پئي ميلاد ملهائڻ ڪا نئي ڳالھ نه آهي بلڪه شروع ئي کان مسلمانن جو طريقو رهيو آهي.

شيطان ميلاد ناهي ملهائيندو

علامه سُهيلي رَحْمَةُ اللهِ عَلَيْه لکن ٿا: شيطان 4 ڀيرا رڙيون ڪري رنو (1) جڏهن ملعون ٿيو(يعني بارگاھِ الٰهي مان تڙيو ويو) (2) جڏهن زمين تي لٿو (3) سُورت فَاتِحه نازل ٿيڻ وقت ۽ (3) رسول اڪرم صَلَّى اللّٰهُ عَلَيۡهِ واٰلِهٖ وَسَلَّم جي ولادتِ باسعادت جي وقت.^[2]