Amad e Mustafa Marhaba Marhaba

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف ( ترجمہ : میں نے سُنَّت اعتکاف کی نِیَّت کی )

درودِ پاک کی برکت سے دیدارِ مصطفےٰ نصیب ہو گیا

حضرت محمد بن سعید رَحمۃُ اللہ عَلَیْہ فرماتے ہیں : مَیں نے درودِ پاک کی ایک تعداد مقرر ( Fix ) کر رکھی تھی اور روزانہ اُتنی تعداد میں درود شریف پڑھ کر سویا کرتا تھا ، الحمد للہ ! درودِ پاک کی برکت سے ایک روز مجھ پر کرم ہو گیا ، میں سویا ہوا تھا کہ قسمت ( Destiny ) جاگ اُٹھی ، میں نے دیکھا کہ میرے پیارے آقا ، حبیبِ خُدا صلی اللہ عَلَیْہِ وَ آلِہٖ وَسَلَّم ہمارے گھر ، میرے کمرے میں تشریف لائے ، اللہ اَکْبَر ! نُورِ مصطفےٰ کی چمک دَمک سے پُورا کمرہ جگمگا اُٹھا۔

بہرِ دیدار جھک آئے ہیں زمیں پر تارے واہ اے جلوۂ دِلدار ! چمکنا تیرا^{( ^[1]
)}

واہ ! خوش نصیبی... ! ! میرے کریم آقا ، میرے رَحِیْم آقا ، مِعْراج کے دُولہا ، غریب پَرْوَر ، تمام نبیوں کے سرور صلی اللہ عَلَیْہِ وَ آلِہٖ وَسَلَّم کَرَم کی بارِش برساتے ہوئے مجھ غُلام کے قریب تشریف لائے اور محبّت بھرے لہجے میں فرمایا : اے میرے پیارے اُمَّتی ! جس مُنہ سےتم مجھ پر درود پڑھتے ہو ، لاؤ ! میں اُس منہ کو چوم لوں... ! !

قربان مَیں اُن کی بخشش کے ، مقصد بھی زباں پر آیا نہیں بِن مانگے دیا اور اتنا دیا ، دامن میں ہمارے سمایا نہیں

اُن کا تو شعار کریمی ہے ، مائل بہ کرم ہی رہتے ہیں جب یاد کیا اے صَلِّ عَلیٰ ، وہ آ ہی گئے تڑپایا نہیں

[1]...ذوقِ نعت ، صفحہ : 26۔

Important

Mobile Apps

Contact Us