Book Name:Ala Hazrat Aur Aqidah Khatm e Nubuwwat
څومره ځانګړې پوښتنه ده...!! يوه خو دا پوښتنه ده چې د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم نه پس بَل څوک نبي راتللے شي که نه؟ خو پوښتنه کوونکي دا پوښتنه اونکړه چې بَل څوک نبـي راتللے شي که نه؟ هغه پوښتنه اوکړه: آيا بَل يو مُحَمَّد پيدا کيدے شي او که نه؟ اوس واورئ!
د آخري نبي صَلَّى اللهُ عَلَيْهِ وَاٰلِهٖ وَسَلَّم د عاشق، سيدي اعلٰـى حضرت رَحْمَةُ اللهِ عَلَيْه جواب...!! د هغوئي د ارشاداتو خُلاصه ده، اوئې فرمائيل: هغه مُحَمَّد صَلَّى اللهُ عَلَيْهِ وَاٰلِهٖ وَسَلَّم کوم چې د الله پاک رسول دے، اَوَّل هم دے، آخِر هم دے، ظَاهِر هم دے، بَاطِن هم دے، د نبيانو سردار هم دے، مالِک و مختار هم دے، الله پاک چې څوک رَحْمَۃُ لِّلْعَالَمِیْن هم جوړ کړو او د خَاتَمُ النَّبِیّٖن تاج ئې هم د هغوئي په سر باندې کيښودو، د هغوئي په شان په دُنيا کښې څوک هم نشي کيدے، لکه څنګه چې بَل خدائے کيدل ناممکن او محال دے، هم داسې بَل مصطفٰے صَلَّى اللهُ عَلَيْهِ وَاٰلِهٖ وَسَلَّم کيدل هم ناممکن او محال دے.[1]
رُخِ مصطفےٰ ہے وہ آئینہ کہ اب ایسا دُوسرا آئینہ
نہ کسی کی بزمِ خیال میں، نہ دُکانِ آئینہ دار میں
يعنې مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم هغه عظيمُ الشانه، بے مثله او بے مثاله هستي ده چې د هغوئي په شان بَل څوک نه د چا په تَصُّور او خيال کښې دے او الله پاک نه بَل داسې څوک پيدا کړے دے او نه به ئې جوړ کړي.
سيدي اعلٰـى حضرت رَحْمَةُ اللهِ عَلَيْه ليکي:
تیرا مثل نہیں ہے خُدا کی قسم!
ترجمه: ستا مثل نشته په خدائے مې دې قسم وي!