زما په شان د مخلوق دا صفتونه څنګه کيدے شي؟ حضرت جبريلِ امين عَلَیْهِ السَّلَام عرض اوکړو: الله پاک تاسو ته په دې صفتونو سره فضيلت درکړو، تاسو ته ئې په ټولو نبيانو او رسولانو باندې فضيلت درکړو او د خپل نوم او صفت نه ئې ستاسو نوم او صفت راويستے دے. (اے خوږه محبوبه صَلَّى اللهُ عَلَيْهِ وَاٰلِهٖ وَسَلَّم)! الله پاک ستاسو نوم اَوَّلُ کيښودو، ځکه چې تاسو د پيدائش په لحاظ سره د ټولو انبيائے کرامو نه اَوَّل يعنې وړومبي ئې (چې د ټولو نه مخکښې ستاسو نُور مبارک پيدا کړے شو)، الله پاک ستاسو پاک نوم آخِر هم کيښودو ځکه چې تاسو د ټولو انبيائے کرامو د زمانے نه په آخره کښې تشريف راوړونکے او د آخري اُمَّت آخري نبي ئې، دغه شان الله پاک ستاسو پاک نوم بَاطِن هم کيښودو، ځکه چې الله پاک د خپل نوم سره ستاسو پاک نوم په ښکلي نُور سره د عرش په تخت باندې د حضرت آدم عَلَیْهِ السَّلَام د پيدائش نه 2 زره کاله مخکښې د هميشه هميشه د پاره اوليکلو، بيا ئې ما ته په تاسو باندې د دُرود شريف ليږلو حکم اوکړو نو ما په تاسو باندې زر [1000] کاله درود او زر [1000] کاله سلام اوليږلو تر دې چې الله پاک تاسو زيرے ورکونکي او [د الله پاک نه] ويروونکي، د الله پاک د حکم په لور رابلونکي او د پړقيدونکي نمر جوړولو سره را اوليږلئ. دغه شان الله پاک ستاسو پاک نوم ظَاهِر هم کيښودو ځکه چې په دې سره ئې تاسو ته په ټولو انبياؤ باندې غلبه عطا کړله، ستاسو شريعت او فضيلت ئې په ټولې زمکې او آسمان والؤ باندې ظاهر کړو نو څوک داسې پاتې نه شو کوم چې په تاسو باندې درود نه وي ليږلے، الله پاک دې په تاسو باندې درود (يعنې رحمت) را اوليږي، بس ستاسو رَبّ مَحمُود (تعريف کړے شوے) دے او تاسو مُحَمَّد (يعنې تعريف