علماؤ، اولياؤ، د ټولو هم دا عقيده وه چې زمونږ خوږ نبي، رسولِ هاشمي، مکي مدني مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم د ټولو آخري نبي دے، د هغوئي نه پس به بَل نوے نبي نه راځي.

خو ياد ساتئ! دا عقيده چې څومره واضحه او صفا ده، په دې باندې ډاکې غورځولو والا هم ډير زيات دي. آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: زما په اُمَّت کښې به 30 دروغژنان (يعنې ډير غټ دروژنان) وي، په دوئي کښې به هر يو دا خيال کوي چې هغه نبي دے حالانکه زه خَاتَمُ النَّبِیّٖن يم او زما نه پس بَل هيڅ نبي نشته. ^[1]

مفتي احمد يار خان نعيمي رَحْمَةُ اللهِ عَلَيْه د دې حديثِ پاک لاندې ليکي: 30 دروغژنان نبيان هغه دي، کوم چې خلقو نبيان اومنل او د هغوئي فساد خور شو، د بَل قِسم مُدَّعِيِ نبوت (يعنې د نبوت دروغژن دعويدار) کوم چې چا اونه منل هغوئي د بکواس کولو سره مړه شول، هغه خو ډير زيات دي.^[2]

د ايمان د سلامتيا د فِکر نه کولو نقصان

معلومه شوه: په ختمِ نبوت باندې ډاکې غورځولو والا ډير دي، ځکه مونږ له پکار دي چې د خپل ايمان فِکر اوکړو. ياد ساتئ! د يو انسان سره د ټولو نه قيمتي بلکه نايابه څيز د هغه ايمان دے، د الله پاک په رحمت سره د چا چې د ايمان دولت نصيب دے، هغه که د مال په لحاظ سره اګرچه غريب وي خو د ايمان د دولت نه محرومه کروړ پتي، ارب پتي کَس نه هم ډير مالداره دے، خو د اسلام د دولت نه محرومه مالدار په حقيقت کښې غريب دے او مَعَاذَ الله! ثُمَّ مَعَاذَ الله! په دې حال يعنې د کُفر په حالت کښې مړ شوے کَس به د هميشه هميشه د پاره په دوزخ کښې وي. ځکه هر مسلمان له پکار دي چې