Book Name:Ala Hazrat Aur Aqidah Khatm e Nubuwwat
د مسلمانانو د دويم خليفه حضرت عمر فاروقِ اعظم رَضِىَ اللهُ عَـنْهُ د دور مبارک واقعه ده، حضرت نَضله بن معاويه اَنصاري رَضِىَ اللهُ عَـنْهُ د 300 مهاجرينو او انصارو سره د حُلوان عراق نه د مالِ غنيمت (يعنې د غير مسلمو نه په جنګ کښې په لاس د راغلي مال) سره واپس تشريف راوړلو، په لاره کښې د يو غر په خوا کښې پرې ماښام شو، حضرت نَضله بن معاويه رَضِىَ اللهُ عَـنْهُ اَذان اوکړو، کله چې هغوئي اللہ اَکْبَر اللہ اَکْبَر اووئيل نو د غر نه يو آواز راغلے، چا وئيل: اے نَضله! تا د ډير لوئے عظمت والا لوئي بيان کړله! کله چې هغوئي اَشْہَدُ اَنْ لَّا اِلٰہَ اِلَّا اللہ اووئيل نو جواب راغلے: اے نضله! تا خالص توحيد بيان کړو، کله چې هغوئي اَشْہَدُ اَنَّ مُحَمَّدًا رَّسُوْلُ اللہ اووئيل نو آواز راغلے: دے د داسې نبي جوړولو سره راليږلے شوے دے د دوئي نه پس بَل هيڅ نبي نشته، دے ويروونکے دے، دا دے د کوم زيرے چې مونږ له حضرت عيسٰی عَلَیْهِ السَّلَام راکړے وو، د دوئي د اُمَّت په آخِر کښې به قيامت قائميږي (يعنې د دوئي نه پس به تر قيامته پورې هيڅ يو نبي نه راځي)، صحابئ رسول حضرت نضله رَضِىَ اللهُ عَـنْهُ چې کله حَیَّ عَلَی الصَّلٰوۃ اووئيل نو جواب راغلے: لمُونځ يو فرض دے، زيرے دے د هغه د پاره کوم چې په دې لور لاړ شي او د دې پابندي اوکړي. چې کله ئې حَیَّ عَلَی الْفَلَاح اووئيل نو آواز راغلے: مُراد ته اورسيدو کوم چې د لمُونځ د پاره راغلے او په دې ئې هميش والے اختيار کړو، مُراد ته اورسيدو چا چې د مُحَمَّد صَلَّى اللهُ عَلَيْهِ وَاٰلِهٖ وَسَلَّم فرمانبرداري اوکړه. کله چې هغوئي اللہ اَکْبَر اللہ اَکْبَر ، لَا اِلٰہَ اِلَّا اللہ اووئيل نو آواز راغلے: اے نَضله! تا پوره اِخلاص حاصل کړو نو الله پاک د دې په سبب ستا بدن په دوزخ باندې حرام کړو.