Book Name:Ala Hazrat Aur Aqidah Khatm e Nubuwwat
ولادت باسعادت جي وقت خاص تارو نڪتو
شاعر درٻار رسالت، صحابي رسول حضرت حسان بن ثابت رَضِىَ اللهُ عَنْه فرمائن ٿا: منهنجي عمر 7 سال هئي، هڪ ڀيرو رات جو پويون پهر هيو، اچانڪ هڪ آواز گونجهيو، نڪري ڏٺم ته مديني جي هڪ بُلند دڙي تي هڪ غير مسلم هٿ ۾ باھ جو شعلو کڻي دانهون ڪري سڀني کي سڏي رهيو هيو، ماڻهو ان جي آواز تي جمع ٿيا، ان چيو: ہٰذَا کَوْکَبُ اَحْمَد هي احمد (صَلَّى اللهُ عَلَيْهِ وَاٰلِهٖ وَسَلَّم) جو تارو آهي، هي تارو صرف ڪنهن نبي جي ولادت جي وقت ئي نڪرندو آهي ۽ هاڻي نبين مان حضرت احمد مجتبي(صَلَّى اللهُ عَلَيْهِ وَاٰلِهٖ وَسَلَّم) کان علاوه ڪو نبي باقي نه آهي.[1]
ابوهريره رَضِىَ اللهُ عَنْه کان روايت آهي؛ الله پاڪ جي آخري نبي، رسول هاشمي صَلَّى اللهُ عَلَيْهِ وَاٰلِهٖ وَسَلَّم جي معراج جي سفر جو واقعو آهي، جڏهن پاڻ ڪريم(مسجدِ اقصيٰ ۾) انبياءِ ڪرام عَلَيۡهم السَّلَام سان مليا، ان وقت انبياءِ ڪرام عَلَيۡهم السَّلَام خطبا ڏنا، ان ۾ الله پاڪ جي حمد و ثناء بيان ڪئي، سڀني کان آخر رسول اڪرم، نور مجسم صَلَّى اللهُ عَلَيْهِ وَاٰلِهٖ وَسَلَّم خطبو ارشاد فرمايو، پاڻ صَلَّى اللهُ عَلَيْهِ وَاٰلِهٖ وَسَلَّم هن خطبي ۾ پنهنجا ۽ پنهنجي اُمت جا کوڙ سارا فضائل بيان فرمايا، پوءِ فرمايائون: سڀ تعريفون اُن ربّ ڪريم جي لاءِ آهن جو جَعَلَنِی فَاتِحًا وَ خَاتَمًا جنهن مون کي فاتح(يعني کولڻ وارو) خَاتم (يعني سڀني کان آخري نبي) بڻائي موڪليو آهي. ان وقت حَضرت ابراهيم عَلَيۡهِ السَّلَام انبياءِ ڪرام عَلَيۡهم السَّلَام کي فرمايو: بِہٰذَا فَضَّلَکُمْ مُحَمَّد