طرف بُلاتا اور چمکا دینے والا سورج بنا کر بھیجا * اسی طرح اللہ پاک نے آپ کا نامِ پاک ‌ظَاهِر بھی رکھا کیونکہ اس نے آپ کو تمام دینوں پرغلبہ عطا فرمایا ، آپ کی شریعت  و فضیلت کو تمام زمین و آسمان والوں پر ظاہِر کیا تو کوئی ایسا نہ رہا جس نے آپ پر درود نہ بھیجا ہو ، اللہ پاک آپ پر درود  ( یعنی رحمت )  بھیجے * پس آپ کا رَبّ مَحْمُوْد  ( یعنی تعریف کیا گیا )  ہے اور آپ مُحَمَّد  ( یعنی تعریف کئے گئے ہیں ) ۔ آپ کا رَبّ اَوَّل و آخر ، ظاہِرو باطِن ہے اورآپ بھی  ( اپنے رب کی عطا سے )  اَوَّل و آخر ، ظاہِر وباطِن ہیں۔ ^{( [1] )}   

نگاہِ عشق و مستی میں وہی اَوَّل ، وہی آخر                       وہی قرآں ، وہی فرقاں ، وہی یسیں ، وہی طٰہٰ

ہم آخری نبی کے آخری اُمَّتی ہیں

اے عاشقانِ آخری نبی ! اللہ پاک کا ہم گنہگاروں پر بڑا فضل و احسان ہے کہ اس نے ہمیں اپنے پیارے پیارے سب سے آخری نبی ، مکی مدنی ، مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم کا اُمَّتی بنایا ، الحمد للہ ! ہمارے پیارے پیارے آقا ، مکے مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم سارے رسولوں اور نبیوں سے اَفْضَل ہیں اور اللہ پاک کی رحمت سے آپ صَلَّی اللہ عَلَیْہِ وَ آلِہٖ وَ سَلَّم کے صدقے میں آپ کی اُمَّت پچھلی تمام اُمّتوں سے بہتر ہے۔

سارے رسولوں سے تم بَرتَر ، تم سارے نبیوں کے سروَر

سب    سے    بہتر    اُمَّت    والے ،    صَلَّی    اللہ    عَلَیْکَ    وَسَلَّم ^{( [2] )}

یومِ ختمِ نبوت اور تحقیقاتِ رضا

اے عاشقانِ آخری نبی ! آج 7 ستمبر ہے اور الحمد للہ ! ہمارے مُلْکِ عزیز پاکستان میں 7