* حضرت مُغِیْرَہ بِنْ شُعْبَۃ رَضِیَ اللہ عنہ اپنے اسلام قبول کرنے سے پہلے کی بات بتاتے ہوئے فرماتے ہیں : ایک مرتبہ ہم نے مِصْر کے بادشاہ مَقُوقَش سے حُضُورِ اَقْدَس صَلَّی اللہ عَلَیْہِ وَ آلِہٖ وَ سَلَّم کی تعریف سُنی ، پِھر میں اسکندریہ گیا ، وہاں میں نے پچھلی اُمّتوں کا کوئی عِبَادت خانہ نہ چھوڑا ، سب کے پاس گیا ، سب سے مُحَمَّدِ مصطفےٰ صَلَّی اللہ عَلَیْہِ وَ آلِہٖ وَ سَلَّم کے بارے میں پوچھا ، آخر ایک پادری کے پاس پہنچا ، وہ اپنی قوم کا بہت بڑا عالِم تھا ، میں نے اس سے پوچھا : کیا کوئی نبی دُنیا میں آنا باقی ہے ؟ وہ بولا : نَعَم ! وَہُوَ آخِرُ الْاَنْبِیَاء ہاں ! وہ آخری نبی ہیں ، ان کے اور عیسیٰ عَلَیْہِ السَّلام کے درمیان کوئی نبی تشریف نہیں لائے ، حضرت عیسیٰ عَلَیْہِ السَّلام نے انہی کی پیروی کا حکم دیا تھا ، وہ نبی ، اُمِّی ، عربی ہیں اور ان کا نامِ پاک احمد ہے۔

حضرت مُغِیرَہ رَضِیَ اللہ عنہ فرماتے ہیں : میں نے یہ سب باتیں خُوب یاد رکھیں اور وہاں سے واپس آ کر اسلام قبول کر لیا۔  ^{( [1] )}

مُحَمَّدِ مصطفےٰ !                                       سب سے آخری نبی !         احمدِ مجتبیٰ !                                                         سب سے آخری نبی !

آمنہ کا لاڈلا !                                                   سب سے آخری نبی !         شاہِ ہر دوسرا !                                 سب سے آخری نبی !

وِلادتِ باسعادت کے وقت خاص ستارہ نکلا

شاعِرِدربارِ رسالت ، صحابئ رسول حضرت حَسَّان بن ثابِت رَضِیَ اللہ عنہ فرماتے ہیں : میری عمر 7 سال تھی ، ایک مرتبہ رات کا پچھلا پہر تھا ، اچانک ایک آواز گونجی ، نکل کر دیکھا تو مدینے کے ایک بلند ٹیلے پر ایک یہودی ہاتھ میں آگ کا شعلہ لئے چیخ چیخ کر سب کو بُلا رہا تھا ، لوگ اس کی آواز پر جمع ہوئے ، وہ بولا : ہٰذَا کَوْکَبُ اَحْمَد یہ اَحْمَد  ( صَلَّی اللہ عَلَیْہِ وَ آلِہٖ وَ سَلَّم )  کا ستارہ ہے ، یہ ستارہ صِرْف کسی نبی کی وِلادت کے وقت ہی نکلتا ہے اور اب نبیوں میں