حضرت موسیٰ عَلَیْہِ السَّلام اور عقیدہ  ختمِ نبوت

حضرت ابوہریرہ رَضِیَ اللہ عنہ سے روایت ہے ، آخری نبی ، مکی مدنی ، مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم نے فرمایا : بےشک جب موسیٰ عَلَیْہِ السَّلام پر تورات نازِل ہوئی تو آپ نے اس کی تلاوت فرمائی ، اس میں اِس  ( آخری )  اُمَّت کا ذِکْر پڑھا تو عرض کیا : اے اللہ پاک ! میں تورات میں ایسی اُمَّت کا ذِکْر دیکھتا ہوں جو  ( زمانے کے اعتبار سے )  سب سے آخری اور  ( فضیلت میں )  سب سے آگے ہو گی ، اے مالِکِ کریم ! اسے میری اُمَّت بنا دے ! اللہ پاک نے فرمایا : تِلْکَ اُمَّۃُ اَحْمَد یعنی اے موسیٰ ! یہ سب سے آخری نبی اَحْمَد ِمجتبیٰ  ( صَلَّی اللہ عَلَیْہِ وَ آلِہٖ وَ سَلَّم )  کی اُمَّت ہے۔  ^{( [1] )}

مُحَمَّدِ مصطفےٰ !                                       سب سے آخری نبی !         احمدِ مجتبیٰ !                                                         سب سے آخری نبی !

آمنہ کا لاڈلا !                                                   سب سے آخری نبی !         شاہِ ہر دوسرا !                                 سب سے آخری نبی !

تاجدارِ انبیا !                                                     سب سے آخری نبی !         ہیں حبیبِ کبریا !                          سب سے آخری نبی !

ایک غیبی بزرگ کا انوکھا واقعہ

اے عاشقانِ آخری نبی ! دیکھئے ! پہلے کے انبیائے  کرام علیہم السَّلام کو باقاعِدہ وحی بھیج کر بتایا گیا کہ ہمارے محبوب نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہوں گے ، پِھر انبیائے کرام علیہم السَّلام نے اپنی اُمّتوں کو بھی یہ عقیدہ یاد کروایا۔ یہاں تک کہ حضرت عیسیٰ عَلَیْہِ السَّلام تشریف لائے ، آپ نے بھی نبئ اُمِّی ، مکی مدنی ، مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم کی نبوت و رسالت کی خوشخبری سُنائی اور اپنی اُمَّت کو بھی یہ عقیدہ بتایا کہ مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہوں گے۔  آئیے ! حضرت عیسیٰ عَلَیْہِ السَّلام کے ایک اُمَّتی کا