Dawat e Islami Faizan e Auliya Hai

حُضُور رحمۃُ اللہ عَلَیْہ نَجِیْبُ الطَّرَفَیْن یعنی حسنی ، حسینی سَیِّد ہیں * آپ ابتدا ہی سے بڑے نیک پارسا ، عِبَادت کرنے والے اور عِلْمِ دِین کا بہت شوق رکھنے والے تھے * داتا حضور رحمۃُ اللہ عَلَیْہ نے عِلْمِ دین سیکھنے کے لئے عراق ، شام ، لبنان ، آذر بائیجان ، خُراسان اور تُرْکِستان وغیرہ کئی ممالک ( Countries ) کا سَفَر فرمایا ، اس وقت کے بڑے بڑے عُلَما اور صُوفیائے کرام سے عِلْمِ دِیْن سیکھا * تقریباً 34 سال کی عمر مبارک میں اپنے پِیر صاحب شَیْخ اَبُو الْحَسَن خُتَّلی رحمۃُ اللہ عَلَیْہ کے حکم سے لاہور تشریف لائے * یہاں نیکی کی دعوت کو عام کیا ، دِینِ اسلام کا پیغام پھیلایا ، لوگوں کو قرآن و سُنَّت کی تعلیم دی ، اپنے اَخْلاق سے ، کردار سے ، کبھی بیانات فرما کر ، کبھی کرامات دکھا کر بےشُمار کافِروں کو مسلمان کیا ، جو پہلے سے مسلمان تھے ، انہیں سُنَّتوں کا پیکر بنایا ، کئی عالِم بنائے ، کئی لوگوں کو اپنی تربیت میں رکھ کر وِلایَت کے بلند مقامات تک پہنچایا * کم و بیش 30 سال کے عرصے میں آپ نے بَرِّ صغیر میں ایک انقلاب برپا کر دیا * پختہ قول کے مطابق آپ نے 465 ہجری کو اس دُنیا سے پردہ فرمایا * آپ کا مزار مبارک لاہور میں ہے * آپ ہی کی نسبت سے لاہور کو مرکزُ الْاَولیا اور داتا نگر بھی کہا جاتا ہے۔^{( ^[1] )}

کیا غرض دَر دَر پھروں میں بھیک لینے کے لئے

ہے سلامت آستانہ آپ کا داتا پیا

جھولیاں بھر بھر کے لے جاتے ہیں منگتے رات دِن

ہو مِری اُمِّید کا گلشن ہَرا داتا پیا^{( ^[2] )}

صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد

[1]...تفصیل کے لئے دیکھئے: مکتبۃ المدینہ کا رسالہ فیضانِ داتا علی ہجویری رحمۃُ اللہِ عَلَیْہ ۔

[2]...وسائِلِ بخشش، صفحہ:534۔

Important

Mobile Apps

Contact Us