بیان کیا ہی کرتے تھے لیکن قربان جائیے ! آپ کے وِصَال کے صدیوں بعد جب صحابۂ کرام کی شان پر اعتراض ہوا تو مزارِ پاک میں لیٹے ہوئے بھی آپ کو یہ بات گوارا نہ ہوئی اور آپ نے اپنے رُوحانی فیضان سے صحابۂ کرام علیہمُ الرّضوان  کی شان کا اظہار فرما دیا۔

الحمد للہ ! عاشقانِ رسول کی دینی تحریک دعوتِ اسلامی  فیضانِ اَوْلیا ہے ، فیضانِ داتا ہے ، اللہ پاک کے فضل سے ، اُس کی عطاسے داتا حُضُور رحمۃُ اللہ عَلَیْہ نے  دُنیا سے پردہ فرمانے کے بعد بھی اپنے رُوحانی فیضان سے جن صحابۂ کرام کی شان کا اِظہار فرمایا ، آج دعوتِ اسلامی انہی صحابۂ کرام علیہمُ الرّضوان کی محبت گھول گھول کر پِلا رہی ہے۔ الحمد للہ ! یہ دعوتِ اسلامی ہی کا فیضان ہے کہ بچے بچے کی زبان پر یہ نعرہ گونج رہا ہے :

ہر صحابئ نبی !                                                   جنّتی ! جنّتی !                                                            سب صحابیات بھی !                  جنّتی ! جنّتی !

چار یارانِ نبی !                                             جنّتی ! جنّتی !                                                            حضرتِ صدّیق بھی !                       جنّتی ! جنّتی !

اور عُمرِ فاروق بھی !                         جنّتی ! جنّتی !                                                            عُثمانِ غنی !                                                         جنّتی ! جنّتی !

فاطمہ اور علی !                                                 جنّتی ! جنّتی !                                                            ہیں حسن حسین بھی !                     جنّتی ! جنّتی !

والِدَینِ نبی !                                                       جنّتی ! جنّتی !                                                            ہر زوجۂ نبی !                                                      جنّتی ! جنّتی !

اور ابو سُفیان بھی !                            جنّتی ! جنّتی !                                                            ہیں معاویہ بھی !                                        جنّتی !     جنّتی !

داتا حُضُور رحمۃُ اللہ عَلَیْہ کامختصر تعارُف

پیارے اسلامی بھائیو ! * داتا حُضُور رحمۃُ اللہ عَلَیْہ کم وبیش 400 ہجری کو دُنیا میں تشریف لائے * آپ افغانستان کے ایک علاقے غزنی کے رہنے والے ہیں۔ غزنی کا ایک محلہ ہے : ہجویر۔داتا حُضُور رحمۃُ اللہ عَلَیْہ اس محلے میں رہتے تھے ، اسی نسبت سے ہجویری کہلائے * داتا