وي خو که هغه د نيکو نه د محرومئ سبب جوړيږي نو بهتره دا ده چې بنده هغه کار اونکړي مثلاً * ټوتھ برش کول، دا هم اګرچه جائز دے خو د دې په ځائے د مسواک په سنت باندې د عمل کولو نه محرومه کيدے شي * د ښه ډيزائن والا ټوپئ اخستل، ظاهره ده چې ښکلې ټوپئ اخلې نو په سر کولو ته به دې هم زړه کيږي، که په سر کوې ئې نو د عمامې د سُنَّت نه به محرومه شې * داسې په واش بيسن باندې اودس کول، دا هم اګرچه جائز دے خو په دې باندې په ولاړه اودس کول وي، ځکه به په ناسته د اودس کولو د نيکئ نه محرومه پاتې شې * داسې د شپې زر نه اوده کيدل چې زر نه اوده کيږي نو د تهجدو نه محرومه کيدے شې بلکه دومره ناوخته اوده کيدل چې د سحر د لمُونځ د پاره هډو سترګې اونه غړيږي، دا خو ګناه ده، د دې نه بچ کيدل لازمي دي.

خير! هر هغه کار کوم چې اګرچه جائز وي خو هغه د نيکو نه د محرومئ سبب جوړيږي نو د دې نه بچ کيدل بهتر دي. مونږ له کوشش پکار دے چې داسې موقعې پخپله پيدا کړو، د کومو په ذريعه چې د زياتو نيکو ګټلو موقع ميلاؤ شي، مثلاً * په لاس کښې تسبيح ساتئ، د دې په برکت به موقع په موقع ذِکر او درود کيږي * د کور نه د اودس کولو سره جُمات ته د تللو عادت جوړ کړئ، نيکئ به زياتې ميلاويږي * که کيدے شي نو پيدل جُمات ته ځئ، په دې کښې به خواري وي نو  اِنْ شَآءَ اللّٰہُ الْکَرِیم! ثواب به مو زيات کيږي * زما شيخِ طريقت، اميرِ اهلسنت دَامَتْ بَرَکَاتُہُمُ الْعَالِیَه د کپړې په نرمه ټوپئ باندې پټکے تړي، دا هم د نيکو ګټلو يوه ذريعه ده چې کله عِمامه شريف کوزوئ، هغه به پرانستے شي، بيا به تړل وي، داسې به په هر ځل د عمامې شريفې په تړلو ثواب کيږي