اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یا رسولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

حضرت عَبْدُالرَّحْمٰن بن عَوْف رَضِیَ اللہ عنہ سے روایت ہے : ایک دن نبیوں کے سردار ، مدینے کے تاجدار صلّی اللہ ُ عَلَیْہِ وَ آلِہٖ وَسَلَّم دولت خانے ( یعنی گھر مبارک ) سے باہَر تشریف لائے اور ایک باغ ( Garden )  کی طرف رُخ فرمایا ، حضرت عَبْدُالرَّحْمٰن بن عوف رَضِیَ اللہ عنہ نے دیکھا تو پیچھے پیچھے ہو لئے ، آپ صلّی اللہ ُ عَلَیْہِ وَ آلِہٖ وَسَلَّم باغ میں داخِل ہوئے ، قبلے کی طرف منہ کیا اور سَر سجدے میں رکھ دیا ، حضرت عَبْدُالرَّحْمٰن بن عوف رَضِیَ اللہ عنہ دُور کھڑے دیکھتے رہے ، فرماتے ہیں : بےکسوں کے مددگار ، سرکارِ عالی وقار صلّی اللہ ُ عَلَیْہِ وَ آلِہٖ وَسَلَّم نے بہت لمبا سجدہ کیا ، یہاں تک کہ مجھے خوف ہونے لگا کہ کہیں حالتِ سجدہ ہی میں اللہ پاک نے رُوْح مُبَارَک قبض نہ فرما لی ہو ، یہ خیال آتے ہی میں آگے بڑھا ، میرے قدموں کی آواز سُن کر آپ  صلّی اللہ ُ عَلَیْہِ وَ آلِہٖ وَسَلَّم نے سَر مُبَارَک اُٹھایا ، پوچھا : کون ہے ؟ میں نے عرض کیا : حُضُور ! عَبْدُالرَّحْمٰن۔ فرمایا : کیا کام ہے ؟ میں نے عرض کیا : یا رسولَ اللہ  صلّی اللہ ُ عَلَیْہِ وَ آلِہٖ وَسَلَّم ! آپ نے اتنا لمبا سجدہ کیا ، مجھے خوف ہونے لگا تھا کہ کہیں اللہ پاک نے سجدہ ہی میں رُوح مُبَارَک قبض نہ فرما لی ہو۔

 عاشقِ زار کی محبت بھری بات سُن کر اللہ پاک کے آخری نبی ، رسولِ ہاشِمی ، مُحَمَّدِ عربی صلّی اللہ ُ عَلَیْہِ وَ آلِہٖ وَسَلَّم نے طویل سجدے کی حکمت بیان کی ، فرمایا : میرے پاس جبریلِ