زمکې هٰغه ټکړه کومه چې د جُمات  دپاره خاص کړے شوې وي، د زمکې د هٰغه حصے شان هُم ډير ښکلے او عجيبه دے. صحابئ رسول حضرت انس بن مالِک رَضِیَ الله عنه فرمائي: يو ځل حضرت جبریل امین عَلَیْه السَّلَام بارګاهِ رسالت کښې حاضِر شو نو رسولِ اکرم صَلَّی الله عَلَیْه وَ آلِهٖ وَ سَلَّم هغوئي ته اُوفرمائيل: اَیُّ البقاعِ خَیْرٌ يعنی اے جبریل! د زمکې کومه حِصَّه بهتره ده؟ حضرت جبریل عَلَیْه السَّلَام عرض اوکړو: لَا اَدْرِی يعنی یارسولَ الله (صَلَّی الله عَلَیْه وَ آلِهٖ وَ سَلَّم)! ما ته نه ده معلومه. حضور نبي کريم صَلَّى اللهُ  عَلَيْهِ وَاٰلِهٖ وَسَلَّم اُوفرمائيل: بيا د الله کریم نه په دې باره کښې سُوال اوکړه! او معلومه کړه چې د زمکې کومه حِصَّه بهتره او محبوبه ده.

دا ئې چې واوريدل نو (د بارګاه اِلٰهی د آدابو د خیال په وجه) حضرت جبریل عَلَیْه السَّلَام په ژړا شولو او عرض ئې اوکړو: یارسولَ الله (صَلَّی الله عَلَیْه وَ آلِهٖ وَ سَلَّم)! مونږه ته چرته حق رسي چې د الله پاک نه د څه تپوس اوکړو، هغه چې څه غواړي مونږ ته علم عطا کوي. بيا حضرت جبریل عَلَیْه السَّلَام آسمانونو ته لاړلو، څه ساعت پس بيرته راغلو او عرض ئې اوکړو:  خَیْرُ الْبُقَاعِ اَلْمَسَاجِدُ بُیُوتُ اللہ  فِی الْاَرْضِ یعنی یارسولَ الله صَلَّی الله عَلَیْه وَ آلِهٖ وَ سَلَّم! د زمکې بهترینه حِصَّه جُماتونه دي، دا په زمکه د الله پاک کورونه دي.

رسولِ اکرم صَلَّی الله عَلَیْه وَ آلِهٖ وَ سَلَّم بيا تپوس اوکړلو: اَیُّ البُقَاعِ شَرٌّ یعنی اے جبریل! د زمکې بدترینه حِصَّه کومه ده؟ حضرت جبریل عَلَیْه السَّلَام بيا آسمان ته لاړلو، څه ساعت پس واپس راغلو او عرض ئې اوکړو:  شَرُّ البُقَاعِ اَلْاَسْوَاقُ یعنی د زمکې بدترینه حِصّه بازارونه دي.^([1])

حکیم الامّت، مفتی احمدیار خان نعیمی رَحْمَةُ اللهِ  عَلَيْه د هُم دې مفهوم د يو حدیثِ پاک په شرح کښې ليکي: په جُماتونو کښې اکثر د ذِکرُ الله (مثلاً: لـمونځ، جَمعه، خطبه، بیان کولو او اوريدلو وغیره) دپاره خلق حاضريږي او په بازارونو کښې اکثر دروغ، دوکه، غیبت وغیره