د اُمَّت مسلمه يوه ډيره اهمه ذمه واري

الله پاک په قرآنِ کريم کښې فرمائي:

کُنۡتُمۡ خَیۡرَ اُمَّۃٍ اُخۡرِجَتۡ لِلنَّاسِ تَاۡمُرُوۡنَ بِالۡمَعۡرُوۡفِ وَ تَنۡہَوۡنَ عَنِ الۡمُنۡکَرِ وَ تُؤۡمِنُوۡنَ بِاللّٰہِ ؕ

(پارہ:4، آلِ عمران:110)

مفهوم ترجَمۀ کنزُ العرفان: (اے مسلمانانو!) تاسو بهترين اُمَّت ئې کوم چې د خلقو (د هدايت) د پاره ظاهر کړے شو، تاسو د نيکئ حکم کوئ او د ګناه نه منع کوئ او په الله باندې ايمان لرئ.

امام فخرُ الدِين رازي رَحْمَةُ اللهِ عَلَيْه فرمائي: د آيت مبارک معنیٰ دا دہ چې اے مسلمانانو! په لوحِ محفوظ کښې ستاسو هم دا صفت ليکلے دے چې تاسو د ټولو نه بهتر او د ټولو نه افضل اُمَّت ئې، ستاسو لائق هم دا دي چې تاسو د دې منصب حفاظت اوکړئ! ^[1] يعنې هميشه د الله پاک او د هغه د خوږ محبوب صَلَّى اللهُ عَلَيْهِ وَاٰلِهٖ وَسَلَّم اطاعت کوونکي او فرمانبرداره اوسئ...!!

حضرت علامه مفتي عبد المُصطفٰی اعظمي رَحْمَةُ اللهِ عَلَيْه د دې آيت مبارک په وضاحت کښې فرمائي: د يو مسلمان د پاره د ژوند وړومبے مقصد  خَيرُ الاُمَم يعنې بهترين اُمَّت کيدل دي. لکه څنګه چې د ګلاب د پاره خوشبو، د لعل د پاره پړقا او د لمَر د پاره رڼا لازمي ده، هم دغه شان د يو مسلمان د پاره د خپل اعمال او افعال په لحاظ سره په ټولو اُمَّتونو کښې د ټولو نه اعلٰـی، د ټولو نه افضل، د ټولو نه بهتر کيدل لازمي او ضروري دي، که عبادتونه او معاملات وي يا اخلاق او عادتونه غرض د ژوند په هره شعبه