Book Name:Ummat e Muslima Akhri Ummat Kyon
په څه طريقه باندې په آزادولو راضي نه شو نو يو 17 کلن ځلمے حضرت محمد بن قاسِم رَحْمَةُ اللهِ عَلَيْه د يو لوئے لښکر سره را اوليږلے شو، حضرت محمد بن قاسِم رَحْمَةُ اللهِ عَلَيْه دَيبُل ته را اورسيدلو، ډيرې ورځے جنګ روان وو، آخر دَيبُل قلعه فتح کړے شوه، قيديان آزاد کړے شول.
د دَيبل قلعه د قيد خانے چې کوم نګران وو، هغه د مسلمانانو قيديانو سره ورځې شپې تيرې کړې وې، د هغوئي اخلاق، د هغوئي د عبادت انداز وغيره هغه په خپلو سترګو ليدلي وو او دے د هغوئي نه ډير متاثره شوے وو، کوم وخت چې د مسلمانانو لښکر دَيبُل قلعه فتح کوله، د قيد خانے هغه نګران حضرت محمد بن قاسم رَحْمَةُ اللهِ عَلَيْه ته وړاندې کړے شو، هغوئي هغه ته د اسلام راوړلو دعوت ورکړو، دا کَس د مسلمانانو د اخلاقو، انداز او عادتونو نه هسې هم متاثر شوے وو، نو هغه فوراً کلمه اووئيله او مسلمان شو.[1]
خوږو او محترمو اسلامي وروڼو! دا دي د مسلمانانو ښکلي اخلاق، ښکلے کردار...!! د کومو د ليدلو سره چې به غير مسلمه کلمه لوستله. دا صرف د يوے قيد خانے د نګران خبره نه ده، محمد بن قاسم رَحْمَةُ اللهِ عَلَيْه چې کله سندھ فتح کړو نو د هغه علاقے ظاهري نقشه اګرچه هم هغه وه خو د دې ځائے انداز، د دې ځائے د اوسيدونکو عادتونه او طور و طريقے او اخلاق بدل شوي وو، دغه دَيبُل نومې قلعه کومه چې مخکښې د کُفر و شرک اډه وه، وروستو د عِلمِ دِين ډير لوئے مرکز جوړ شو، دلته ډير لوئے لوئے عالمَان، مُحدِّثين او نيک خلق پيدا شول، د دې نه علاوه په ټول سندھ کښې علمِ دين خور شو، دلته ډير لوئے لوئے عالمَان پيدا شول، تر دې چې د حضرت بايزيد بسطامي رَحْمَةُ اللهِ عَلَيْه په