Book Name:Ummat e Muslima Akhri Ummat Kyon
اے عاشقانِ رَسُول! دا دے د اُمَّتِ مسلمه د آخري اُمَّت کيدو حکمت...!! مونږه د عبرت حاصلولو د پاره آخري اُمَّت جوړ کړے شوي يو. اوس لږ غور اوکړئ! آيا مونږه عبرت حاصلوو؟ آه! افسوس! په مونږ باندې غفلت راخور وي، مونږه نصيحت نه قبلوو، مونږه د عبرت د نظر نه محرومه يو، د مخکښينو قومونو حالات مونږ ته په ظاہر دي، قومِ عاد څنګه هلاک شو، په قومِ ثمود باندې څنګه عذاب راغے، قومِ شعيب څنګه تباه کړے شو، مونږ دا هر څه اورو، په قرآنِ کريم کښې د دې هر څه ذِکر موجود دے، علمائے کرام ئې بيانوي خو افسوس! مونږه عبرت نه حاصلوو، د ګناه پريښودو سره د نيکئ د لار مسافر نه جوړيږو.
اے عاشقانِ رَسُول! قرآنِ کريم مونږ ته ځائے په ځائے د عِبرت اخستلو ترغيب راکړے دے. په سيپاره 18، سورۀ نُور، آيت: 44 کښې الله پاک فرمائي:
یُقَلِّبُ اللّٰہُ الَّیۡلَ وَ النَّہَارَ ؕ اِنَّ فِیۡ ذٰلِکَ لَعِبۡرَۃً لِّاُولِی الۡاَبۡصَارِ (۴۴) (پارہ:18، النور:44)
مفهوم ترجَمۀ کنزُ العرفان: الله شپه او ورځ بدلوي، بے شکه په دې کښې د ليدونکو د پاره د پوهې مقام دے.
په سيپاره 30، سورۀ نازِعات کښې د فرعون او د هغه د لښکر د غرقيدو د واقعې ذِکر کولو نه پس ئې اوفرمائيل:
اِنَّ فِیۡ ذٰلِکَ لَعِبۡرَۃً لِّمَنۡ یَّخۡشٰی (ؕ۲۶) (پارہ:30، النازعات:26)
مفهوم ترجَمۀ کنزُ العرفان: بے شکه په دې کښې د ويريدونکو د پاره ضرور عبرت دے.