له مهلت ورکړو، هغوئي له ئې ډير ژوند ورکړو، بيا چې کله هغوئي په خپلو نافرمانو باندې کلک شول نو الله پاک څنګه په هغوئي باندې عذابونه نازل کړل، څوک ئې د طوفان په ذريعه هلاک کړل، په بعضې قوم باندې ئې کاڼي اورول، په بعضې قوم باندې د سختې زلزلے عذاب راغے، د هغوئي طاقت، د هغوئي قوت، د هغوئي اوچتې اوچتې ودانئ، د هغوئي علم، د هغوئي مهارتونه هيڅ څيز هغوئي د الله پاک د عذاب نه بچ نه کړل.

د دې ټول هر څه نه پس په آخره کښې الله پاک دا اُمَّتِ مسلمه را اوليږو، په قرآنِ مجيد کښې د مخکښينو اُمَّتونو حالات ښکاره بيان کړے شول د پاره د دې چې دا اُمَّت عبرت حاصل کړي، څه چې مخکښينو نافرمانو [خلقو] اوکړل، چې دا کار دا اُمَّت اونکړي، د هغوئي په لاره باندې لاړ نشي بلکه مخکښينو نيکانو خلقو چې کوم کارونه اوکړل، په هغوئي چې کوم کوم انعامات اوشو، دا اُمَّت په هغې باندې غور اوکړي او د نيکئ لار خپله کړي.^[1] الله پاک ارشاد فرمائي:

اَوَ لَمۡ یَسِیۡرُوۡا فِی الۡاَرۡضِ فَیَنۡظُرُوۡا کَیۡفَ کَانَ عَاقِبَۃُ  الَّذِیۡنَ کَانُوۡا مِنۡ قَبۡلِہِمۡ ؕ کَانُوۡا ہُمۡ  اَشَدَّ مِنۡہُمۡ  قُوَّۃً وَّ اٰثَارًا فِی الۡاَرۡضِ فَاَخَذَہُمُ اللّٰہُ بِذُنُوۡبِہِمۡ ؕ وَ مَا کَانَ لَہُمۡ مِّنَ اللّٰہِ مِنۡ وَّاقٍ (۲۱)

(پارہ:24، المؤمن:21)

مفهوم ترجَمۀ کنزُ العرفان: نو آيا هغوئي په زمکه کښې سفر اونکړو نو ليدلي به ئې وو چې د هغوئي نه د مخکښينو خلقو څه انجام شو؟ هغه مخکښيني خلق د قوت او په زمکه د پريښودے شوو نښو په لحاظ سره د دوئي نه زيات وو نو الله د هغوئي د ګناهونو په وجه هغوئي اونيول او د هغوئي د پاره د الله نه خلاصوونکے څوک نه وو.