خبرې شاته نه غورځولے کيږي، آيا خلق دا نه وائي چې دنيا سپوږمئ ته ختلې ده او تاسو اوس هم د لمُونځ او روژې خبرې کوئ؟ د حضرت لُوط عَلَیْهِ السَّلَام په قوم کښې فحاشي، بے حيائي او بدکاري عامه وه، آيا دا څيزونه نن سبا په مونږ کښې نشته؟ د حضرت شعيب عَلَیْهِ السَّلَام قوم به په ناپ تول کښې کمے کولو، آيا نن سبا دلته په ناپ تول کښې کمے نه کيږي؟ په اخستلو او خرڅولو کښې دوکه نه کيږي؟ د حضرت شعيب عَلَیْهِ السَّلَام قوم به په لارو کښې د کښيناستلو سره خلق بے لارې کول، آيا نن سبا دلته داسې نه کيږي؟ په لارو کوڅو کښې د کښيناستلو سره، د فيس بُک، يوټيوب او سوشل ميډيا وغيره په ذريعه باندې خلق نه بے لارې کولے کيږي؟ حضرت شعيب عَلَیْهِ السَّلَام قوم خو باقاعده طور دا وئيلي وو:

قَالُوۡا یٰشُعَیۡبُ اَصَلٰوتُکَ تَاۡمُرُکَ اَنۡ نَّتۡرُکَ مَا یَعۡبُدُ اٰبَآؤُنَاۤ اَوۡ اَنۡ نَّفۡعَلَ فِیۡۤ اَمۡوَالِنَا مَا نَشٰٓؤُاؕ

(پارہ:12، هود:87)

مفهوم ترجَمۀ کنزُ العرفان: (قوم) اووئيل: اے شعيب! آيا ستا لمُونځ تا ته دا حکم کوي چې مونږه د خپل پلار نيکه خدايان پريږدو يا په خپل مال کښې د خپلې خوښې مطابق عمل نه کوو.

لږ په انصاف سره اووائې! نن سبا چې د سودي لين نه، په اخستلو او خرڅولو کښې د دوکې نه منع کولے شي نو بالکل هم دغه خبره نن د لبرل اِزم په نوم باندې نه کيږي؟ خلق نه وائي چې مولانا صاحب د تجارت د علم نه خبر نه دے، ده له پکار دي چې د خپلو لمُونځونو او روژو تر حده پورې اوسي.

دا هر څه دلته زمونږ په معاشره کښې هم دي. بيا اووائې! چې مونږه هم دا هر څه کوو، کوم چې مخکښينو اُمَّتونو کول، بيا دا منصب کوم چې اُمَّتِ مسلمه له ورکړے شو: په