Book Name:Ummat e Muslima Akhri Ummat Kyon
په حق کښې چې تاسو د خير ګواهي ورکړئ، د هغه د پاره جنت واجِب دے او د کوم په حق کښې چې تاسو د بدئ ګواهي ورکړئ د هغه د پاره دوزخ واجب دے، اَنْتُمْ شُہَدَاءُ اللہ فِی الْاَرْضِ تاسو په زمکه د الله پاک ګواه ئې.[1]
خوږو او محترمو اسلامي وروڼو! اللہ اَکبَر! دا دے زمونږه معيار، زمونږه قدر، زمونږه اهميت...!! دا اُمَّت به د قيامت په ورځ د انبيائے کرامو علَيهِمُ السَّلام په حق کښې ګواهي ورکوي، په دُنيا کښې چې دا اُمَّت د چا په حق کښې ګواهي ورکړي، د هغه د پاره جنت واجب کولے شي. دا څومره د اهميت خبره ده...!! اوس مونږه لږ غور اوکړو! آيا مونږه د دې لائق يو؟ دا منصب کوم چې اُمَّتِ مسلمه له ورکړے شوے دے، آيا مونږه خپل ځان د دې منصب لائق جوړوو؟ آه! افسوس!
ہم جانتے ہیں مجرم کے سب ٹھکانوں کو
شریکِ جُرْم نہ ہوتے تو مخبری کرتے
د مخکښينو اُمَّتونو څه څه بدئ وې؟ د حضرت نُوح عَلَیْهِ السَّلَام قوم به د هغوئي ګستاخيانې کولې، آيا نن دلته ګستاخيانې نه کيږي؟ حضرت نُوح عَلَیْهِ السَّلَام به هغوئي پوهه کول، هغوئي به د خبرې منلو د پاره نه تياريدل، آيا مونږه د خپل نبي صَلَّى اللهُ عَلَيْهِ وَاٰلِهٖ وَسَلَّم په فرامينو باندې عمل کوونكي يو؟ د حضرت هُود عَلَیْهِ السَّلَام قوم سرکش وو، آيا نن دلته په پوره زړه ورتيا سره ګناه نه کيږي. د حضرت صالِح عَلَیْهِ السَّلَام قوم به په خپل طاقت باندې، په خپلو مهارتونو باندې، په خپلو لويو لويو ودانو [كورونو] باندې فخر کولو، د غرور او تکبر په آفت کښې اخته وو، آيا نن سبا دلته د سائنس او ټيکنالوجئ بنياد جوړولو سره ديني