Book Name:Ummat e Muslima Akhri Ummat Kyon
ئې آخري اُمَّت جوړ کړو، زمونږ آقا و مولٰی، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم د ټولو آخري نبي دے، د هغوئي صَلَّى اللهُ عَلَيْهِ وَاٰلِهٖ وَسَلَّم نه پس به تر قيامته پورې بَل نبي نه راځي او زمونږ نه پس بَل يو اُمَّت نشته، مونږه آخري اُمَّت يو، د دې نه پس به قيامت راځي. آخر په دې کښې څه حکمت دے؟ دا اُمَّت آخري اُمَّت ولې جوړ کړے شو؟
راځئ! يو څو حکمتونه اورو، د دې نه به مونږ ته خپل اهميت معلوم شي، خپل قدر و قيمت به را ته معلوم شي، د خپل منصب او ذِمه وارو پته به را ته اولګي.
(1): وړومبے حکمت: اُمَّت مسلمه ئې ګواه جوړ کړو
وَ کَذٰلِکَ جَعَلۡنٰکُمۡ اُمَّۃً وَّسَطًا لِّتَکُوۡنُوۡا شُہَدَآءَ (پارہ:2، البقرۃ:143)
مفهوم ترجَمۀ کنزُ العرفان: او هم دغه شان مونږه تاسو بهترين اُمَّت جوړ کړئ د پاره د دې چې تاسو په خلقو باندې ګواه جوړ شئ.
دا د اُمَّتِ مسلمه د آخري اُمَّت کيدو حکمت دے، که اُمَّت وړومبے اُمَّت جوړ کړے شوے وے نو ظاهره ده، دې اُمَّت به د ځان نه وروستو په راتلونکو ګواهي څنګه ورکولے شوه، ځکه دا اُمَّت آخري اُمَّت جوړ کړے شو د پاره د دې چې دا اُمَّت په مخکښينو اُمتونو باندې ګواه شي.
د قيامت په ورځ د اُمَّتِ مسلمه ګواهي
په بخاري شريف کښې حديثِ پاک دے، د الله پاک آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: د قيامت په ورځ به حضرت نُوح عَلَیْهِ السَّلَام را اوبللے شي، هغه به وائي: لَبَّیْکَ یَارَبِّ! اے الله پاک زه حاضر يم. د هغه نه به پوښتنه کولے شي: آيا تاسو زمونږه