موقع باندې دا ضروري ده چې مونږه خپل اهميت اوپيژنو، مونږه څوک يو؟ او ولې يو؟ په دې باندې غور اوکړو.

      لږ په خپل اهميت نظر واچوئ! د حضرت ابو هريره رَضِىَ اللهُ عَـنْهُ نه روايت دے، سرکارِ عالي وقار، مکي مدني تاجدار صَلَّى اللهُ عَلَيْهِ وَاٰلِهٖ وَسَلَّم اوفرمائيل: کله چې د الله په نبي حضرت موسیٰ عَلَیْهِ السَّلَام  باندې تورات شريف نازل شو، هغوئي د دې خوږ آسماني کتاب تلاوت اوکړو نو په دې کښې ئې د يو اُمَّت فضيلتونه اولوستل، د دې فضيلتونو لوستلو سره هغوئي په بارګاهِ الٰہی کښې عرض اوکړو: ياالله پاک! په تورات کښې د يو اُمَّت ذِکر دے، هغه به (د دنيا په لحاظ سره) آخري خو (په نيک اعمالو کښې) د ټولو نه وړاندې وي، ياالله پاک! هغه زما اُمَّت جوړ کړې. الله پاک اوفرمائيل: تِلْکَ اُمَّۃُ اَحْمَد ( صَلَّى اللهُ عَلَيْهِ وَاٰلِهٖ وَسَلَّم  ) يعنې (اے موسیٰ!) دا خو زما د محبوب نبي، حضرت اَحمدِ مجتبٰی صَلَّى اللهُ عَلَيْهِ وَاٰلِهٖ وَسَلَّم اُمَّت دے. حضرت موسیٰ عَلَیْهِ السَّلَام  بيا عرض اوکړو: اے ياالله پاک! زه په تورات کښې د داسې اُمَّت ذِکر لولم، د کوم چې به شفاعت کولے شي، مولیٰ! دا زما اُمَّت جوړ کړې. الله پاک اوفرمائيل: تِلْکَ اُمَّۃُ اَحْمَد يعنې اے موسیٰ! دا خو زما د محبوب نبي حضرت احَمد مجتبٰی صَلَّى اللهُ عَلَيْهِ وَاٰلِهٖ وَسَلَّم اُمَّت دے. حضرت موسیٰ عَلَیْهِ السَّلَام عرض اوکړو: اے رَبِّ کريم! زه په تورات کښې د داسې اُمَّت ذِکر لولم، د کوم دعاګانے چې به قبلے دئ شي، ياالله پاک! دا زما اُمَّت جوړ کړې. رَبِّ کائنات اوفرمائيل: تِلْکَ اُمَّۃُ اَحْمَد يعنې اے موسیٰ! دا خو زما د محبوب نبي حضرت احَمد مجتبٰی صَلَّى اللهُ عَلَيْهِ وَاٰلِهٖ وَسَلَّم اُمَّت دے. حضرت موسیٰ عَلَیْهِ السَّلَام عرض اوکړو: اے رَبِّ رحمٰن او رحيم! زه په تورات شريف کښې د داسې اُمَّت ذِکر لولم، د کوم کتاب (يعنې قرآنِ کريم) چې به د هغوئي په سينو کښې وي او هغوئي به د دې تلاوت کوي، اے ياالله پاک! دا زما اُمَّت جوړ کړې. رَبِّ کعبه اوفرمائيل: تِلْکَ اُمَّۃُ اَحْمَد يعنې اے موسیٰ! دا خو زما د محبوب نبي حضرت محمد صَلَّى اللهُ عَلَيْهِ وَاٰلِهٖ وَسَلَّم اُمَّت دے. حضرت