Ummat e Muslima Akhri Ummat Kyon

نہ کیا تو دیکھتے کہ ان سے پہلے لوگوں کا کیسا انجام ہوا ؟ وہ پہلے لوگ قوت اور زمین میں چھوڑی ہوئی نشانیوں کے اعتبار سے ان سے بڑھ کر تھے تو اللہ نے انہیں ان کے گناہوں کے سبب پکڑلیا اور ان کیلئے اللہ سے کوئی بچانے والا نہ تھا۔

اے عاشقانِ رسول ! یہ ہے اُمّتِ مسلمہ کے آخری اُمَّت ہونے کی حکمت... ! ! ہمیں عبرت لینے کے لئے آخری اُمَّت بنایا گیا ہے۔ اب ذرا غور کیجئے ! کیا ہم عِبْرت لیتے ہیں ؟ آہ ! افسوس ! ہم پر غفلت ( Heedlessness ) طارِی رہتی ہے ، ہم نصیحت نہیں لیتے ، ہم نگاہِ عِبْرت سے محروم ہیں ، پچھلی قوموں کے اَحْوال ہم پر واضِح ہیں ، قومِ عاد کیسے ہلاک ہوئی ، قومِ ثمود پر کیسے عذاب آیا ، قومِ شعیب کس طرح تباہ کر دی گئی ، ہم یہ سب سنتے رہتے ہیں ، قرآنِ کریم میں ان سب کا ذِکْر موجود ہے ، عُلَمائے کرام بیان فرماتے رہتے ہیں مگر افسوس ! ہم عِبْرت نہیں لیتے ، گُنَاہ چھوڑ کر نیک رستے کے مُسَافِر نہیں بنتے۔

عِبْرت لینے کی ترغیب

اے عاشقانِ رسول ! قرآنِ کریم نے ہمیں جگہ جگہ عِبْرت لینے کی ترغیب دِلائی ہے۔ پارہ : 18 ، سورۂ نُور ، آیت : 44 میں اللہ پاک فرماتا ہے :

یُقَلِّبُ اللّٰهُ الَّیْلَ وَ النَّهَارَؕ-اِنَّ فِیْ ذٰلِكَ لَعِبْرَةً لِّاُولِی الْاَبْصَارِ(۴۴) ( پارہ : 18 ، النور : 44 )

ترجَمہ کنز العرفان : اللہ رات اور دن کو تبدیل فرماتا ہے ، بیشک اس میں آنکھ والوں کے لئے سمجھنے کا مقام ہے۔

Important

Mobile Apps

Contact Us