Book Name:Aal e Nabi Ke Fazail
په اهلِ بيتو کښې څوک څوک شامل دي؟
حضرت امام فخرُ الدين رازي رَحْمَةُ اللهِ عَلَيْه د بيان کړے شوي آيت لاندې فرمائي: اهلِ بيتِ اطهار څوک دي، په دې کښې مختلف اقوال دي. دا وئيل اَولٰی دي چې د سرورِ کائنات صَلَّى اللهُ عَلَيْهِ وَاٰلِهٖ وَسَلَّم ټول اولاد، د هغوئي پاکې بيبيانې اهلِ بيت دي. حضرت امام حسن او حسين رَضِىَ اللهُ عَـنْهما او حضرت مولا علي رَضِىَ اللهُ عَـنْهُ هم په دې کښې شامل دي.[1]
آيا ساداتِ کرام به دوزخ ته ځي؟
خوږو او محترمو اسلامي وروڼو! دلته دا خبره په ذهن کښې ساتئ چې اهلِ بيتِ پاک د ګناهونو نه محفوظ دي معصوم نه دي ځکه چې معصوم صرف انبيا او فرښتے دي. د محفوظ مطلب دا دے چې د دوئي نه ګناه کيدل ممکنه خو ده خو الله پاک دوئي د ګناهونو نه بچ کوي او د معصوم مطلب دے: هغه حضرات د کومو نه چې ګناه کيدل شرعاً ممکن نه وي.
بيا دا هم ياد ساتئ چې په ساداتِ کرامو کښې هغه د اوچتې مرتبے حضرات کوم چې ولـيُّ الله دي لکه بي بي فاطمةُ الزهراء رَضِىَ اللهُ عَـنْها، امام حَسَن او امامِ حُسَين رَضِىَ اللهُ عَـنْهما، هم داسې حضور غوثِ پاک شيخ عبدُ القادر جيلاني، حضور داتا ګنج بخش علـي هجويري رَحْمَةُ اللهِ عَلَيْهما وغيره، دوئي خو د ګناهونو نه محفوظ دي، نور چې کوم ساداتِ کرام دي، د هغوئي نه ګناهونه خو کيږي خو اِنْ شَآءَ اللّٰہُ الْکَرِیم! د خوږ آقا، مکي مدني مصطفٰے