Book Name:Aal e Nabi Ke Fazail
اوچتې مرتبې والا، عظمت او شان والا او ډير اوچت مقام والا دے. الله پاک ارشاد فرمائي:
اِنَّمَا یُرِیۡدُ اللّٰہُ لِیُذۡہِبَ عَنۡکُمُ الرِّجۡسَ اَہۡلَ الۡبَیۡتِ وَ یُطَہِّرَکُمۡ تَطۡہِیۡرًا (ۚ۳۳) (پ22، الاحزاب:33)
مفهوم ترجَمۀ کنزُ العرفان: اے د نبـي کور والـؤ! الله خو هم دا غواړي چې ستاسو نه هره ناپاکي لرې کړي او تاسو پاک کړي او ښه مو صفا کړي.
په تفسيرِ نورُ العرفان کښې دي: د دې دا مطلب نه دے چې د آيت مبارک د نازليدو نه مخکښې اهلِ بيتِ پاک تر اوسه پورې مَعَاذَ الله! ګنهګاران وو، د دې نه پس ورته پاکي عطا شوه بلکه مطلب دا دے چې اے اهلِ بيتو! الله پاک به تاسو د ګناهونو او بد اخلاقئ په پليدئ سخا کيدو ته نه پريږدي. د دې نه معلومه شوه چې د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم پاکې بيبيانې او د هغوئي پاک اولاد د ګناهونو نه پاک دے.[1]
صدر الافاضل مفتـي محمد نعيمُ الدين مراد آبادي رَحْمَةُ اللهِ عَلَيْه فرمائي: دا آيت مبارک د اهلِ بيتِ کرامو د فضيلتونو اصل دے. د دې نه د اهلِ بيتِ پاک د اعلٰـى خاصيتونو او د اوچت شان او عظمت اظهار کيږي او د دې نه معلوميږي چې الله پاک اهلِ بيتِ پاک د ټولو بدو اخلاقو نه پاک ساتلي دي بلکه هر هغه څيز کوم چې د دوئي د اوچت مقام او مرتبے لائق نه وي، الله پاک هغوئي د دې نه محفوظه ساتي او بچ کوي ئې.[2]
ان کی پاکی کا خدائے پاک کرتا ہے بیاں آیۂ تطہیر سے ظاہِر ہے شانِ اہل بیت