د آلِ نبـي فضيلتونه

د الله پاک په حکم باندې ما د زمکې مشرق او مغرب، غرونه او صحراګانے چاڼ کړې، ما ته د عربو نه بَل بهتر يو قوم ښكاره نه شو، بيا الله پاک حکم اوکړو نو ما په عربو کښې لټون شروع کړو، ما ته د مُضَر نه بهتره بَله قبيله ميلاؤ نه شوه، بيا الله پاک حکم اوکړو، ما په مُضَر کښې لټون شروع کړو نو ما ته د بنو کنانه نه بهتر څوک ښكاره نه شو، بيا حکم اوشو، ما په بنو کنانه کښې لټون اوکړو، ما ته د قريش نه بهتر څوک ميلاؤ نه شول، بيا په حُکمِ رَبَّاني سره ما په قريش کښې لټون اوکړو نو د بنو هاشِم نه بهتر څوک په نظر رانغلل، بيا په بنو هاشم کښې د لټولو حکم اوشو، ما لټون اوکړو نو څوک هم راته ستاسو نه بهتر، ستاسو نه افضل په نظر رانغلل.

یہی بولے سدرہ والے، چمنِ جہاں کے تھالے

سبھی میں نے چھان ڈالے، تیرے پائے کا نہ پایا

تجھے یک نے یک بنایا، تجھے حمد ہے خدایا

وضاحت: حضرت جبريلِ امين عَلَیْهِ السَّلَام هم دغه اووئيل چې اے کريم محبوبه صَلَّى اللهُ عَلَيْهِ وَاٰلِهٖ وَسَلَّم ! ما ټوله دنيا چاڼ کړه خو ستاسو نه بهتر راته څوک هم په نظر رانغلل، تعريف دے د هغه رښتيني خدائے واحِد کوم چې تاسو بے مثله او بے مثاله جوړ کړئ.

خوږو او محترمو اسلامي وروڼو! معلومه شوه: د ساداتِ کرام په نسب کښې د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم نه واخله تر د حضرت آدم عَلَیْهِ السَّلَام پورې چې څومره هم پلار نيکونه دي، ټول ډير فضيلت والا، ټول ډير د اوچتې مرتبے خاوندان دي. معلومه شوه: څنګه نسب چې ساداتِ کرامو ته نصيب دے، داسې نسب په دنيا کښې د بَل هيڅ چا نشته.

Important

Mobile Apps

Contact Us