Aal e Nabi Ke Fazail

Al Quran Books Madani Channel

Magazine Courses Media

سینہ تیری سُنّت کا مدینہ بنے آقا ! جنت میں پڑوسی مجھے تم اپنا بنانا

پیارے اسلامی بھائیو ! مَرْد کو سونے ( Gold ) کی انگوٹھی ( Ring ) پہننا حرام ہے۔ سرکارِ دو جہان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم نے سونے کی انگوٹھی پہننے سے مَنْع فرمایا * نابالغ ( یعنی بہت ہی چھوٹے ) لڑکے کو بھی سونے چاندی کا زیور پہنانا حرام ہے اور جس نے پہنایا وہ گنہگار ہو گا ، اسی طرح بچوں ( یعنی لڑکوں ) کے ہاتھ پاؤں میں بلاضرورت مہندی لگانا ناجائز ہے۔عورت خود اپنے ہاتھ پاؤں میں لگاسکتی ہے ، مگر لڑکے کو لگائے گی تو گنہگار ہو گی * لوہے کی انگوٹھی جہنمیوں کا زیور ہے * مرد کے لئے وہی انگوٹھی جائز ہے جو مردوں کی انگوٹھی کی طرح ہویعنی صرف ایک نگینے کی ہواور اگر اس میں ( ایک سے زیادہ یا ) کئی نگینے ہوں تو اگرچہ وہ چاندی ہی کی ہو ، مرد کے لئے ناجائز ہے * بغیر نگینے کی انگوٹھی پہننا ناجائزہے کہ یہ انگوٹھی نہیں چَھلّا ہے * چاندی کی ایک انگوٹھی ایک نگ ( یعنی نگینے ) کی کہ وزن میں ساڑھے 4 ماشے ( یعنی 4گرام 374ملی گرام ) سے کم ہو ، پہننا جائز ہے * عیدین میں انگوٹھی پہننا مُستحب ہے۔مگر مرد وہی جائز والی انگوٹھی پہنے * مرد کو چاہیے انگوٹھی کا نگینہ ہتھیلی کی جانب اور عورت کی انگوٹھی کا نگینہ ہاتھ کی پشت ( یعنی ہاتھ کی پیٹھ ) کی طرف رکھے * چاندی کا چھلّا خاص لِبَاسِ زَنان ( یعنی عورتوں کا پہناوا ) ہے مردوں کو مکروہِ ( تحریمی ، ناجائز وگُناہ ہے ) * عورت سونے چاندی کی جتنی چاہے انگوٹھیاں اور چَھلّے پہن سکتی ہے ، اس میں وزن اور نگینے کی تعداد کی کوئی قید نہیں * لوہے کی انگوٹھی پر چاندی کا خَول چڑھا دیا کہ لوہا بالکل نہ دکھائی دیتا ہو ، اس انگوٹھی کے پہننے کی ( مرد وعورت کسی کو بھی ) مُمانعت نہیں۔^{( ^[1]
)}

[1]...550سنتیں اور آداب ، صفحہ : 57-58 ، ملتقطاً۔

Important

Mobile Apps

Contact Us