Aal e Nabi Ke Fazail

ابراہیم بن رسول اللہ صَلَّی اللہ عَلَیْہِ وَ آلِہٖ وَ سَلَّم و رَضِیَ اللہ عنہ ہیں اور خَالَتَاهُمَا رُقَيَّةُ وَاُمُّ كُلْثُوْمٍ اِبْنَتَا رَسُوْلِ اللہ صَلَّی اللہ عَلَیْہِ وَ آلِہٖ وَ سَلَّم ان کی خالائیں رسول اللہ صَلَّی اللہ عَلَیْہِ وَ آلِہٖ وَ سَلَّم کی بیٹیاں بی بی رقیہ واُمّ کلثوم رَضِیَ اللہ عنہما ہیں۔^{( ^[1]
)}

کیا بات رضا اس چمنستانِ کرم کی زہراء ہیں کلی جس میں حسین اور حسن پُھول^{( ^[2]
)}

سُنّتِ فاروقی پر عَمَل کیجئے !

پیارے اسلامی بھائیو ! معلوم ہوا؛ اولادِ رسولِ پاک صَلَّی اللہ عَلَیْہِ وَ آلِہٖ وَ سَلَّم نسب کے اعتبار سے علیحدہ ہی شان کی مالِک ہے ، ان جیسا نسب کسی اور کو نصیب نہیں ہے ، ساتھ ہی اس واقعہ سے یہ بھی معلوم ہو گیا کہ جب بھی کوئی چیز تقسیم کرنی ہو تو ساداتِ کرام کے احترام کے پیشِ نظر ان کو ڈبل ( Double ) حِصَّہ دینا چاہئے ، یہی سُنّتِ فاروقی ہے۔

الحمد للہ ! عاشقِ صحابہ و اَہْلِ بیت ، شیخ طریقت ، امیر اہلسنت دامت بَرَکاتُہمُ العالیہ بھی اس سُنّتِ فاروقی کے عامِل ہیں ، آپ ساداتِ کرام کی بہت عزّت ( Respect ) کرتے ہیں ، مُلاقات کے وقت اگر بتا دیا جائے کہ یہ سَیِّد صاحِب ہیں تو بارہا دیکھا گیا کہ آپ نہایت عاجزی سے سید زادے کا ہاتھ چُوم لیتے ہیں ، انہیں اپنے برابر بٹھاتے ہیں ، ساداتِ کرام کے بچوں سے بےپناہ محبّت اور شفقت سے پیش آتے ہیں ، کچھ بانٹتے وقت ساداتِ کرام کو ڈبل حِصَّہ دیتے ہیں ، کبھی کبھی کسی سید زادے کو دیکھ کر جھوم جھوم کر پڑھنے لگتے ہیں :

تیری نسل پاک میں ہے بچہ بچہ نور کا تو ہے عین نور تیرا سب گھرانا نور کا^{( ^[3]
)}

[1]... الریاض النضرۃ ، الباب الثانی ، فصل التاسع ، ذکر وقوفہ عند کتاب اللہ ...الخ ، جز : 1 ، صفحہ : 292 ، ملتقطًا۔

[2]...حدائقِ بخشش ، صفحہ : 79۔

[3]...حدائقِ بخشش ، صفحہ : 246۔

Important

Mobile Apps

Contact Us