Book Name:Imam e Hussain Ki Seerat
خوږو او محترمو اسلامي وروڼو! معلومه شوه: چې امام عالي مقام امام حُسَين رَضِىَ اللهُ عَـنْهُ به مقبرې ته هم تللو، مونږ له هم پکار دي چې د عبرت حاصلولو د پاره مقبرې ته ځو، هلته د دفن شوو مسلمانانو د پاره فاتحه شريف هم لولو، د هغوئي د پاره د بخښنې دعاګانے هم کوو او ورسره ورسره عبرت هم حاصلوو، هلته د کښيناستو سره د سترګو پټولو سره تصور کوو، سوچ کوو چې ډير زر ما ته هم دلته راتلل دي، آه! زما آخري ځائے به هم دا وي، هائے! هائے! د قبر دا تنهائي، وحشت، تيارۀ...!! آه! قبر به زما حُسن تباه کړي، طاقت او قوت هر څه به ختم شي، سترګې به د ويلې کيدو سره اوبهيږي، آه! زما دا ښکلے بدن به په خاورو کښې ميلاو کړے شي او بيا..!! بيا به د قيامت په ورځ پاڅيدل، د رَبِّ رحمان په حضور کښې حاضريدل او د خپلو اعمالو حساب ورکول وي.
په دې انداز باندې د عبرت او نصيحت د پاره مونږه د مقبرې د حاضرئ عادت جوړ کړو، اِنْ شَآءَ اللّٰہُ الْکَرِیم! د زړه نه به زنګ لرې شي، د ګناهونو نه به نفرت نصيب شي او د نيکو کولو ذهن به جوړيږي. الله پاک دې مونږ ټولو له د عمل کولو توفيق راکړي.
اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم
په آخره کښې راځئ! د امام عالي مقام، امام حُسَين رَضِىَ اللهُ عَـنْهُ يوه د سبق نه ډکه خطبه اورو: په تاريخِ ابنِ عساکر کښې دي د کربلا په ورځ په 10 مُحَرَّمُ الحرام سحر امام عالي مقام، امام حُسَين رَضِىَ اللهُ عَـنْهُ په خطبه کښې اوفرمائيل: اے د الله پاک بندګانو! د الله پاک نه اوويريږئ! او د دُنيا نه بچ اوسئ! بے شکه په دې دُنياکښې که چا ته هميشه اوسيدل وو نو ضرور به انبيائے کرام علَيهِمُ السَّلام هميشه اوسيدل خو الله پاک دا دُنيا د ازميښت د