Book Name:Imam e Hussain Ki Seerat
عالي مقام امام حُسَين رَضِىَ اللهُ عَـنْهُ سيرت مبارک نه خپلوو نو زمونږه محبت ناقص دے ځکه چې عاشق په خپل محبوب پسې شاته شاته ځي. امام حُسَين رَضِىَ اللهُ عَـنْهُ په خپل مبارک مخ باندې د خپل خوږ نيکه بابا جان رحمتِ عالمْيان صَلَّى اللهُ عَلَيْهِ وَاٰلِهٖ وَسَلَّم ښکلې ښکلې سنت ګيره مبارکه ساتلې وه، د هغوئي د والدِ محترم مولا مشکل کُشا رَضِىَ اللهُ عَـنْهُ هم ګڼه ګيره مبارکه وه. مونږه غور اوکړو چې زمونږ په مخ باندې دا سُنتِ رسول صَلَّى اللهُ عَلَيْهِ وَاٰلِهٖ وَسَلَّم شته؟ امام عالي مقام حضرت امام حُسَين رَضِىَ اللهُ عَـنْهُ د خپل ژوند مبارک آخري د سحر لمُونځ په خپله خيمه کښې د جَمعے سره ادا کړو ولې دښمن د څلور واړه اړخونو نه تورې راويستلې وې؟ د اهلِ بيت اَطهار عَليهمُ الرّضوَان اصلي محبت د هغوئي په پيروئ کولو کښې دے، د امام عالي مقام امام حُسَين رَضِىَ اللهُ عَـنْهُ د مبارک ژوند نه مونږ ته دا سبق ميلاويږي چې مونږ ته پينځه واړه لمُونځونه د جَمعے سره ادا کول پکار دي او په وخت راتلو د دِين د پاره د هر قسمه قربانئ ورکولو د پاره تيار اوسيدل پکار دي. الله کريم دې مونږ ته د صحابۀ کرامو او اهلِ بيتو رَضِىَ اللهُ عَـنْهُم سره حقيقي محبت نصيب کړي.
اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم
په جامو مبارکو کښې د سنتو لحاظ
د امام عالي مقام چې په کوم درزي باندې به هغوئي جامې ګنډلې، هغه وائي: ما امام عالي مقام رَضِىَ اللهُ عَـنْهُ ته عرض اوکړو: د جامو اوږدوالے تر ښپو پورې اوساتم؟ اوئې فرمائيل: نۀ. ما عرض اوکړو: د ګِټو [يعني پړكو] نه ښکته ئې اوساتم؟ اوئې فرمائيل: مَا اَسْفَلَ مِنَ الْکَعْبَیْنِ فِی النَّارِ يعنې کومه کپړا چې د ګِټو نه ښکته زوړنده وي، هغه په اُور کښې ده.[1]