قیامت تمہارے لئے نور ہو گا۔ ^{( [1] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

بیان سننے کی نیتیں

فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔  ^{( [2] )}  اے عاشقانِ رسول ! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے ! مثلاً نیت کیجئے !  * عِلْم سیکھنے کے لئے پورا بیان سُنوں گا   *  با اَدب بیٹھوں گا  * دورانِ بیان سُستی سے بچوں گا   * اپنی اِصْلاح کے لئے بیان سُنوں گا   * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

جنت میں لے جانے والے 3 اعمال

حضرت ابو سعید خُدری  رَضِیَ اللہ عنہ صحابئ رسول ہیں ، آپ فرماتے ہیں :  ایک دِن اللہ پاک کے آخری نبی ، رسولِ ہاشمی ، مکی مدنی ، مُحَمَّدِ عربی صلی اللہ عَلَیْہِ وَ آلِہٖ وَسَلَّم نے میرا ہاتھ پکڑا اور فرمایا : یَا اَبَا سَعِیْدٍ ثَلَاثَۃ مَنْ قَالَہُنَّ دَخَلَ الْجَنَّۃَ یعنی اے ابو سعید !  تین چیزوں کا جو اقرار کرے ، وہ جنّت میں داخِل ہو گا۔ حضرت ابو سعید خدری  رَضِیَ اللہ عنہ فرماتے ہیں : میں نے عرض کیا : یارسولَ اللہ صلی اللہ عَلَیْہِ وَ آلِہٖ وَسَلَّم ! وہ تین چیزیں کونسی ہیں ؟ فرمایا : مَنْ رَضِیَ بِاللہ رَبًا وَ